Pena matina tel spontar del’alba, Nanetto ze saltà su del leto. El gà impià el fogolaro, messo rento on paro de borèi de angico, metesto su la salera negra de fero par boier el àqual pa’l café. El à pensà;
-Intanto che’l àqua bóie, vago veder el caval e darghe na branca de milio e on fià de àqua neta. Intanto che’l magna, mi bevo el café e dopo taco laorarghe drio, pianin, par no spaurarlo e far na bona doma.
Co le rivà in cosina, la tola zera posta e la polenta drio brustularse te la siapa. Nanetto, contento gà saludà la Marcolina:
-Bom giorno. Mi stago bem e anca El caval rosso e vu gheo dormio polito?
-Come on Ângelo custode, ghe risponde ela. E el caval come se la gà portada fora sta note?
-He...el caval stà meio de mi. Lu el gà solo trè ani. Mi domanlaltro a ghe nò diese volte de più .
-No stà ver tanto pensiero su quel tanto là. Zé piu vecio on caval de trè ani do che on omo de trenta, ghe dà coraio la Marcolina.
La desgrassia saria se invesse el caval portane nantri, nantri gevissino de portar el caval, re..re..re...
-A gave pròpio sapiensa te le vostre parole, dize Nanetto. Saria próprio na grande desgrassia.
-Alora tasi e sentete a tola che te dago da magnar.
Intanto quela vien fora de la cambra el Nene, gratando-se i oci e slongandose fora. El và drito sentarse in tola par far la colassio. La mama ghe dize:
-Cio porceleto, te ve mia lavarde le mal e le carase dei oci vanti sentarte a tola? Cosa te go insegnà fin adesso.
-Vao dompo, adesso go tanta fame, ghe risponde el Nene.
-Sensa lavarse, sensa colassion, brava la mama.
Medo sensa voia, el ze ndà lavarse, co la supervision de la mama. El ga messo la ponta de i due dei indicadori tel aqua e li ga passadi tei oci.
-No, no, cossita, caro mio, dize la mama. Drio man, la ciapa na sbrancada de àqua e la ghe lava la facia polito e ghe dize:
-Desso lavete le man e dopo te poi sentarte e far la colassion.
Diese menuti dopo, Nanetto ghe dize a la Marcolina:
-Mi vao zo tel pian de a fontana passar peste rento pa’l milio. Meno drio el caval in cavessa, par che el scomissie far messisia comi e in tanto quela lo ligo soto on albaro in ombria e lo ltrato a canete de milio e qualche fasseto de latui e radici pissacan.
El ciapa el caval, ghe caressa la testa e le grene. Ma, co’l ghe mete la man sora la schena, la bestia l’a alsà le rece e la se ga fato in banda. Nanetto ga pensà:
Par intanto, solo la testa e le grene.
Nanetto se à partio verso la colonia menando el caval che lo gà compagnà bolintiera, parche na volta ogni tanto Nanetto tirava fora de la scarsela on paro de grani de milio e ghe li donava. La messisia la zera drio solidificarse.
Scrivi commento