9 NOVEMBRE

(A me Bupà)

 

L’à verto òci inebiadi

’sta grisa matina,

su la facia del to compleano.

 

Scapusso cossì

in ciari ricordi de dì buteleti

e me cato a cavalon de i to senoci,

abrassacol de sorisi fiordaliso,

sento cantar i nostri cor

al par de l’orolojo

che te pingolava da 'na buseta

del camisón de pignolato ofegà.

 

Bon udor de saoneta e amor

ò binà sù co le caresse

de le to man ruspie, Bupà,

ricamè dal gréo fadigar.

 

Rancuro ancora l’ortesel

de i boni esempi che te me lassà

e i fruti li tegno daconto

nel taquìn de l'anema

insieme a le to sacre ramansine:

boni pontéi 'ncora 'nco

par i novi fiori.

 

 

 

Agnese Girlanda


Carissimo Roberto,
Serene Feste a tuti i amissi, sia siore o pitoche.
 
On 2015 ricamà da fiori de speransa
e salute,
Agnese Girlanda
 
(Mando on pensierin del me Fasolin
per bon agurio!)


LA MAGIA DEL NATALE

 

È il giorno di Natale,

l’amore è più grande

e la magia si diffonde nei cuori;

la gioia del natale è curiosa:

è il compleanno di Gesù

e tutti sorridono

e tutti festeggiano

nella piazza del Natale,

la sera, la stella cometa

scende tra noi

e l’albero di Natale

è pieno di colori.

 

BUON NATALE A TUTTI!

VALENTINA, anni 7 (“ Fasolin”) 24-12-‘13)

 

Storia del Fasolín, mese par mese, de Agnese Girlanda da Verona

 

ON FASOLÍN

(17 Gennaio)

 

L’è ’ngarbujà e pien de misteri

el bosco de ’sta ecografia!

 

Fili de sol e ombrie che inmaga

se ’ntressa...

’npresonando baticori

catando “on fasolin” che sconbate

fra le s-ciaransane.

 

L’è là ch’el sguìssa... ch’el noda

fra le onde del so mar d’amor,

za bon de alagar

l’anema de contentessa.

 

Mi,

sul tamburel de i giorni,

ricamarò lune, spetando el so nadal,

inventarò nine-nane e poesie

par ‘sto fregolin de vita!

 

Farò sogni gaiardi a oci verti

sora ‘n treno cargo de mesi;

narò a scuriosar

fra le cune de la luna

fintanto che ’l dolçe pianto

el me dirà … che son nona!

 

 

Agnese Girlanda

 

GLOSSARIO - “UN FAGIOLINO” 17 Gennaio,1° ecografia (Embrione di 6 mm )

Sconbate / pulsa – S.ciaransane / chiarori

… NONA!

( Febbraio )

 

Lassàndoghe i regài al Butin

jè partìdi i Re Magi,

anca la Befana l’à fato fagoto

dopo on ciòsso brujèl de scartossi

e scalfaroti udi!

Invesse,

el me cor, l’è ’ncora là

sentà sul fogolar

ch’el remena ’sto gran regàl…

 

... deventarò nona!

 

A brassi verti vegnarà ’vanti

matine de luse

e conçerti de campane

par ’sto bùto za bon

de metar pararia

castéi…cune…fole…e…

 

Scominsiarò a scauciàr de gusto

calseti e baretine,

ghe dirò proprio a tuti

che ghe sarà da batesar.

 

On pètene de sogni slusenti

s’à infilà fra i cavéi grisi

de i me doman!

 

Agnese Girlanda

 

GLOSSARIO -  … NONNA! - Remena/rigira

 

 

 

CANTA LA CUNA

 

( Marzo )

 

 

 

’Na luna goba e sotila

 

recama vanese de sogni, là,

 

ne ’l giardin de ’l cel,

 

’compagnà da ’l violin

 

de la speransa

 

la me palesa che’l buto d’amor

 

vissin al cor de me fiola

 

el sta ben.

 

 

 

De boto,

 

ogni pensier griso el se cucia

 

co’l rosolio de ’sto minueto …

 

 

 

Co i oci lustri

 

canta anca la vecia cuna,

 

su in sofita, dindolandose.

 

 

 

’Sto mondo caprissioso e stonà

 

el viaja de pressia, sìiola de gusto

 

el vento rasìo a sveiar i buti de le rame

 

e mi, voréa balar e córar

 

come ‘l “Figaro de Mozart!”

 

 

 

Doman el mandolar se metarà

 

on camisolin de fioreti rosa,

 

de oro, el formento

 

e ’rivarà San Lorenso

 

a orchestrar ’na sinfonìa de stele,

 

regalandome la piassé gajarda

 

dal sigo che sospiro.

 

 

 

Agnese Girlanda

 

 

 

 

ALELUJA!

 

( Aprile )

 

Renbalsa fra i rami del monte

 

el tontonar alegro de le campane

 

a spissegar l’aria Pascoalina.

 

 

 

L’è tuto ’nfiochetà de coresini

 

e botonsini de oro,

 

el vestitin dei prà, tuto ‘nfiochetà de fiori1111111111111111111111111111111111111111111111111111111111111111111111111111111111111111111111111111che ‘l ride

 

co le gatarissole de ’l ventesel.

 

 

 

Su la costera solesà,

 

gh’è penelade giale de pissacani

 

’n festa e se sossola le mascagne

 

de i ulìi che à regalà fassine

 

benedìe da la pace.

 

 

 

Ridarele de primavera

 

e çesti de bontempo

 

gh’è su la tola del me cor,

 

scombate gajardo

 

’l conçerto de l’Eterno

 

ne l’ànema mia, che sotofrosca

 

la snosela pensieri d’amor

 

a quela géma che la sbociarà

 

al canto del soleon.

 

 

 

 

 

Agnese Girlanda

 

 

FIOR DE LUNA

 

(Maggio)

 

 

 

Nel dormiveja, ven ’vanti

 

a brassi verti pensieri slusenti  

 

co l’Ave de Magio,

 

’ntanto che ’torno a imaginar

 

el to profil, fior de luna,

 

lì ’n de’l to cel de aqua e sogni:

 

l’è on bel tocheto che te viagi

 

sora a’l caro major!

 

 

 

Spessega el ventesel garbeto  

 

a far le gatarissole a orti, albari

 

e a regalar basi a le rose.

 

 

 

… L’è là che la ruma

 

fra le arsare de’l granar, la mente mia,

 

a sercar fole da lustrar.

 

 

 

On galeto inamorà el sveja felisse

 

la palida matina involtolà

 

’n de’n nissoleto de sospiri.

 

Useleti pieni de morbin i stornela

 

fra i albari spiansàdi da ’na piova de buti:

 

gosse de speransa, ’nco, ma doman

 

i cunarà tenari fruti

 

e mi on pometo de butina.

 

 

 

 

 

Agnese Girlanda – Verona -

 

 

NOTE DE ISTA’

 

(Giugno)

 

 

 

I oci nontiscordardimé, de’l cel

 

i compagna el me orisonte

 

e mi, forsi patetica

 

me cato ‘ncora lì a remenar

 

’sta realtà: on bel sogno tacà via

 

al beco de ’na cicogna.

 

 

 

O lustrà e penelà fantasie,

 

ò zontà ghirigori

 

sensa onto de gombio

 

co le ale che colava amor.

 

 

 

I ciari de luna

 

che gavarò ’ncora da bévar

 

ié sempre manco …

 

 

 

Su on pra de stéle

 

‘n sta note de istà,

 

canta la me ’anema

 

co i grii e le sigale rauche,

 

sconte ne i dièi de la gramegna

 

no le pol smorsar el boresso

 

del me cor denansi a la porta

 

de ’na nova primavera!

 

 

 

 

 

Agnese Girlanda

 

 

 

 

 

 

LINFA NOVISSIA

 

(Luglio)

 

 

 

On soriso grando

 

à impissà comare luna,

 

a parar via le ombrie

 

de sta note de istà,

 

insercolà da’n camisolìn

 

de vel slusente

 

e mejara de stele,

 

la se fa rimirar

 

fasendome l’oceto.

 

 

 

Me par de sentirla besbeiar

 

che, fra on pugneto de giorni,

 

ela, so sorela o so cusina,

 

le me dirà la gan data …

 

 

 

Tonda, imboressà

 

e  piena de slusori ne i oci

 

come l’anema mia,

 

l’è pronta a sigarghe

 

al me mondo che,

 

la novissia linfa

 

l’è bela e maura!

 

 

 

 

 

Agnese Girlanda – a.girlanda@libero.it

 

 

SORIDE LA VITA

 

( 17 Agosto, h.22.33)

 

 

 

L’ultima ecografia…

 

à esibìo el primo pian

 

de on bel facìn, afassinante

 

piassé de la Gioconda,

 

ch’el comove anca se infassa

 

da ’na lesera telarina.

 

 

 

… ’na frecia de dolor e apianin

 

s’à sfantà borasche e ch’el fiume

 

de lune; alfin, ch’el “fasolìn”

 

spetà par tante stagion,

 

l’èra deventà on fruto da basàr!

 

 

 

Sluse emossioni e meiara de stéle

 

tornade dal bàl a la corte

 

de San Lorenso, cascando

 

su la cuna ’ndo soride la vita!

 

 

 

Slargo e slongo festoni de sogni

 

a colori, spalanco porte e finestre

 

a far passar arfi ’nprofumà de gilio.

 

 

 

Canta el me cor, ’na campana

 

a festa, sfogiando on gonfalón rosa

 

a darghe el benvenudo

 

a la neonata esistensa:

 

el sol de la realtà!

 

 

 

 

 

Agnese Girlanda

 

VIGILIE …

 

 

Batéa i denti la stala

pontelà a la cara bicoca,

sensa el fià dei bo

no’ gh’era cùci tèpidi

ne le grupie sbandonè

lì a spetar …

 

Ma, l’è stà a quela Vigilia

che vardando el calendario

strucarme de ocio

ò sentì on canto de angeli

e le ganasse deventar

pometi rossi,

confessando a la fameia

che l’ano dopo

ghe saréa stà on butin novo

a la taola de’l Nadal.

 

La contentessa

’npenéa la càsa de slusini,

sonava campane e violini

’npissando le fàce come stele Comete

‘n t’on conçerto de luse!

 

Anca mi saréa deventà: mama!

 

 

UN NATALE NUOVO

Batteva i denti la stalla /appoggiata alla cara bicocca, /senza il fiato dei buoi /non c’erano nidi tiepidi /nelle greppie abbandonate, /ad aspettare …//Ma, fu a quella vigilia /che osservando il calendario /farmi l’occhiolino /ho sentito un canto di angeli /e le guance divenire /mele rosse, /confessando alla famiglia /che l’anno dopo/ ci sarebbe stato un bimbo nuovo /alla tavola del Natale. // La contentezza /riempiva la casa di luccichii, /suonavano campane e violini /accendendo la facce come stelle comete /in un concerto di luce!// Anch’io sarei divenuta: mamma!

 

 

 

 

“ MARIE“

(Scicli, Natale 05)

 

Le avarà picià a on saco de porte

orbe e sorde, dimandando

on bocon de pietà strissiando

su senteri intorcolé come sarpenti …

 

La disperassion, fa sfidar

anca la morte, par amor de chela vita

che ghe sconbate vissin al cor

e zugar l’ultima speransa

in gropa a 'n vecio barcon,

sburtoné come arsare,

imaginando brassi verti e pieni de carità

de’n porto sicuro.

 

... on lupo rabioso, quel canal

e on Erode, el Capitan!

 

Nel cel nero e massa lontan, gnanca

'na stela picinina, li a dar 'na drita …

 

Pore Marie, alghe morele su la sabia

de l’ultima spiagia, nessuna stala,

nessun Nadal, par vualtre.

 

 

 

 

”MADRI” Avranno bussato ad un sacco di porte / cieche e sorde, domandando un boccone di pietà strisciando su sentieri intorti come serpenti …// La disperazione, fa sfidare /anche la morte, per amore di quella vita /che pulsa vicino al cuore/ e giocare l’ultima speranza /in groppa al vecchio barcone,/ strapazzate come ciarpame,/ immaginando le braccia aperte e piene di carità /di un porto sicuro.// ... un lupo rabbioso, il canale /ed un Erode, il Capitano! // Nel cielo nero e troppo lontano, neanche /una stella piccina, la a dare una dritta.//Povere Madri, alghe livide sulla sabbia /dell’ultima spiaggia, /nessuna stalla, nessun Natale, per voi.

 

‘NA PEA’ A LA TRISTESSA

prem.”Versi distillati-12”-BS

 

… pantesa l’ autuno, da la pansa tonda

e  le scarsele piene dei fruti, rampegando

 sul senter de l’inverno, sensa sorisi missi

ma inprofumé dal sol, rancurà come oro colà,

savendo che, on di l’altro, ocorarà

infagotarse nel tabar de nebia fissa.

 

Ma… intanto, no l'é gnancora sera!

 

… el varda ‘sta vegna intrivelà, goba

e squasi pelà, cocolar coi so longhi diei,

n’arzimeto desmentegà;

l’ultimo fiol tegnuo in coparela con amor:

lu, nol pol deventar on gran vin

color amestista,  ne topassio,

nol podarà darghe fià a la graspa:

“st’aqua de vita”

che nel bicer slusente come i oci toi,

la me imbriagarà i pensieri, cossì

podarea nassar on spiansiso de passion

a darghe ‘na peà a la tria de la tristessa!

 

 

 

 

 

 

ADDIO TRISTEZZA! – Con la pancia obesa,/le tasche zeppe dei frutti /delle fatiche,ansima l’autunno / affrontando il sentiero dell’inverno./… Ah! Quanti sorrisi fatti/profumati dal sole / conserva giù nell'anima /come oro colato,/ sapendo che un giorno o l’altro /dovrà avvolgersi nel mantello /di nebbia fredda..//Intanto… non è ancora sera! // Una vite intorta,/gobba,quasi pelata /coccola con le dita lunghe / un grappolino dimenticato,/ tenendolo a cavalluccio /come l’ultimo figlio,/ lui, non diventerà vino buono / color

Ametista ne Topazio,/ ne potrà dare forza / alla signora grappa:./”quest’acqua di vita”/ che nel calice lucente / come gli occhi tuoi/ mi ubriaca i pensieri:/potrebbe nascere un amore, / con il lampo di passione /a dare una pedata / alla strega della tristezza!

 

 

Agnese Girlanda - Verona

 

NADAL D’AMOR

 

 

A la neonata Cometa de ‘l me cor

sora a la so cuna fortunà

ghe meto on calseto pien de amor

e on arfio de Gloria pal so primo Nadal

soto al verdo àlbaro de la fameia sua.

 

Rispolvaro on Tabernacolo de ieri

da ‘l tacuìn de le memorie bele,

i ori de’l nostro ortesel, i argenti

de i boschi e de la tera la mira.

 

Descarto teraìne a catar el mulinel

de la bisnona, provarò a filar gumissiei

de filastrocche ncora sane,

dal granar de’l tempo passà.

 

On dì, de sicuro felisse la sarà

de sti tesori, la capirà che a olte,

l’è albisogno na preghiera celeste

e on fil de poesia, a soportar

le gambarele de la vita.

 

 

 

NATALE D’AMORE- Alla neonata cometa del mio cuore/ sopra alla sua culla fortunata/ ci metto una calza piena d’amore /e l’alito di un Gloria per il suo primo Natale/ sotto al verde albero della famiglia sua.//Rispolvero un Tabernacolo di ieri dal portafoglio delle memorie belle,/gli ori del nostro orticello, gli argenti/ dei boschi e della mirra la terra.// Raschio ragnatele a trovare il mulinello /della bisnonna, proverò a filare gomitoli / di filastrocche ancora sane,/ dal granaio del tempo passato.//Un di, di sicuro felice sarà di questi tesori, capirà che a volte basta una preghiera celeste ed un filo di poesia, a sopportare gli ostacoli della vita.

EL FOGOLAR DE I CMPARI

3° Illasi VR, segn P.Padano MO

 

Ormai, soto al par de copi

del camin indormensà

scombate solo niài de pitari

e de sturlini e zò,

ne la gola infrusinà,

se dindola piansendo l

a cadena rusena;

calcinassi e on fià de sendre

intabara de ricordi le nude nostalgie.

 

...caro vecio fogolar,

desmentega co’n mi, i ciassi,

le buganse e i diaoleti a le mane,

bampe speciade in oci inamoré

e s-ciochi de basi e de brase

sora fogasse de oro!

 

Ricordete de i noni,

fole e cocole ciuciàde

su i to senoci rosa

co’l Rosario par filò,

ne la sera buteleta.

 

IL FOCOLARE DE I “CAMPARI” – Oramai, sotto al paio di tegole/ del camino addormentato/ pulsano solamente nidi di pettirosso /e stormi e giù nella gola affumicata/ si dondola piangendo la catena arrugginita;/calcinacci ed un fiato di cenere/ avvolge di ricordi le nude nostalgie.// … caro vecchio focolare,/dimentica con me i giochi,/i geloni e i diavoletti alle mani,/vanpe specchiate in occhi innamorati/ e schiocchi di baci e braci/ sopra focacce d’oro!// Ricordati dei nonni,/ favole e coccole succhiate / sulle tue ginocchia rosa/ con il Rosario per filò,/ nella sera bambina.

 

 

“ … 9 mesi, ghe vol a on fasolin de vita

deventer on fior de butin! …”

 

SU’L CABARÉ DE DICEMBRE

(31 Dicembre)

 

La giornada, l’era nata ’nfagotà

da’n cel inmusonà, co la luna

de traverso e le ociade ingiassé

de Dicenbre.

Cantava de gusto la sioca

malinconia, robandome le voje.

 

Nadal, l’avea lassà presepi

da adorar frameso a pensieri fredi,

ne l’aria pronta a rebaltar

sachi de falìe, a quersar bagoli

e cativerie de’n ano gréo,

ma, su ’l cabaré de na sera stranìa

gh'era sorisi massa lustri...

 

“Rivarà la cicogna!”

… m’à parecià co’n baso me fiola

lassàndome de marmelata

vissin a na chicara de cafè.

 

Ah! Che notissia slusegante!

… Sansilvestro, ‘l zugava

co la mesanote sgionfa de s-ciochi,

de fiochi, de tàpi … mi, s’era lontan,

là a provar a snoselar

filastroche e nine-nane da nona.

 

 

 

Agnese Girlanda - a.girlanda@libero.it

 

9 NOVEMBRE

 

 

Oci nebiadi à verto la matina

su la facia grisa

del to compleano, Bupà.

 

Scapusso

nei ciari ricordi dei di buteleti

e me cato a cavalon de i to zenoci

drento sorisi fiordaliso,

sento cantar i nostri cor

al par de l’orolojo che pingola

da 'na buseta del camison

de pignolato ofegà.

 

Bon udor de saoneta e amor

ò binà sù co ‘n le caresse  

de le to man ruspie,

ricamè dal greo fadigar.

 

Rancuro ’ncora l’ortesel

de i boni esempi che te me lassà

e i fruti, li tegno daconto

ne ‘l granar de l'anema

insieme a le “sacre ramansine”:

boni pontéi 'ncora 'nco

par fiori novéi.

 

Agnese Girlanda - Verona

 

 

 

9 NOVEMBRE  - Occhi annebbiati ha aperto  la mattina /sulla faccia grigia/del tuo compleanno, Papà.//Inciampo / nei chiari ricordi dei giorni bambini / e mi ritrovo a cavallo delle tue ginocchia,/dentro sorrisi fiordaliso,/ sento cantare i nostri cuori/ come l’orologio che dindola /da un'asola del tuo camiciotto / di fustagno sdrucito.// Buon odore di saponetta e amore/ho raccolto con la carezze / delle tue mani ruvide, /ricamate dal pesante faticare. //Coltivo ancora l'orticello/dei buoni esempi che mi hai lasciato/ e i frutti, li conservo / nel granaio dell'anima / insieme alle “sacre ramanzine”:/ buoni sostegni ancora oggi /per fiori novelli.