Caro Zaniolo, ti ringrazio poer le belle cose che mi invii, scritte nel nostro bel dialetto. Ti invio anch'io un mio pensiero poetico. Cioa alla prossima. Giancarlo
FOIE ZAE
Ea vigna ga perso el so fruto
vendemà dal contadin
ch'el ga fato un bon vin
El ga inpenìo e bote
E za ea vigna perde e foie
zae come ea suca
casca in tera
e pian pian e vien smisià
da ea piova e ea neve
par tornare
pì verdi che mai
a primavera.
Ciao a tuti Giancarlo Fabbian, da Moseese
naibbaf@libero.it
Giancarlo Fabbian, da Moséese
Nadae
de cosa de chi
de TI caro Banbin Jesù
che te sì vegnù qu zo
par farne capire
che semo nea strada sbalià
E dopo donia ani
no a ghemo gnancora trovà
Par quasi trentatre ani
te si sta a Nazareth a studiarne
ma te ne ghe fati così perfeti
che te ghe fato fadiga
a trovarne tuti i difeti
In poco tenpo te ghemo
rifiutà coionà inciodà
E 'ncora un cò
no se rendemo conto
de chi che te si
No te sì vegnù al mondo
par girarghe in tondo
ma par iutarne a trivare
ea strada iusta
Caro Banbin Iesù
stoa ano come regaeo
portene traverso el to amore
pace e serenità in t'el core.
AUGURI A TUTI QUANTI
BEI BRUTI
GOBI STORTI
E ANCA AI BRIGANTI!
CARA MAMA
Ea vita te me ghe dà
Te me ghe cresuo
Te me ghe curà
Te me ghe proteto
Grassie Mama
Par mi Te ghe sofrio
Te eo ezevo nel to vizo
Eo vedevo nel to sorizo
Tirà quando pianzevo
Grassie Mama
Te si cosi granda
Che no’ ghe xe paroe
Quando che penso a Ti
Me vien tanta comosion
Grassie Mama
Qualche rimorso go dentro de mi
Par averte fato combatare
E qualche volta mancà de rispeto
Ma so anca che te me ghe pardonà
Grassie Mama
Par sempre te me sarè visina
Anca se no’ te si pì
qua co’ mi
ma so che te revedarò
Te vojo ben Mama.
Ciao e grassie! Giancarlo Fabbian
*
ESARE NONO
I dise che xe triste
Par mi invese
El xe tenpo de’ piste
De’ corse a la pisina
A portare el toseto
E a l’asilo a tore
La me putina
No faso fadiga
E so contento
Vago volentiera
Gò el core in bataréa
Ma presto vien sera
Anca cò jornada tiradéa.
Giancarlo Fabbian
VITA NEI CANPI
Disegno de Bruno Mardegan
PRESENTASION
Cari putei e putee, ve conto ea storia dea vita che fazea i nostri veci. Ve pararà inposiboe, ma questa ea jera ea vita che i fazea ‘na volta, chi che gavéa ea fortuna de avere un toco de tera e ‘na casa.
CASA PATRIARCAE
De soito, in canpagna ghe jera fameje de quindeze o venti persone, de tre o quatro jenerasion, tra veci, omani, done, tozi, toze, putei e putee.
MATINA
El lavoro nei canpi el scomisiava apena fazea ciaro, el el finiva qundo fazea scuro.
Se se alsava, se se lavava e sbreje, e se ndava in cuzina.
Sora el fogo se scadava ea misea de orzo co do maneghi eonghi de fero co’ in fondo do bae che e jera senpre incausinà.
El late pena monto, el boie mejo s’el xe spana par fare el butiro.
Prima de ‘ndare sui canpi a laorare, se mete su ea graea do fete de poenta con ‘na fetina de saame fina come ‘na particoa. Ghe jera chi che ea magnava subito e chi che se portava iscartosà in scarsèa, par magnarla pì tardi nei canpi.
El loame xe sta sparpaià sua tera, a eora se rastea ea paja che ghe xe restà par sora, parché in primavera cresa l’erba nova, bona par darla da magnare a e vache, parché e fasa del bon late.
Par fare el pan che voe farina, aqua, sae e lievito. Co e stese robe se poe fare el pan biscoto, che se trova tacà ai travi sul sesteo tegnù su dal ranpin.
A ea matina i fjoi ga senpre sono, ma i vien svejà co’ l’odore del late, e dopo e se ciapa ea sacheta de pessa e i va a scoa. Bisogna che i stesse tenti, parche el maestro i bachetava se i gavea e onge scure.
Ae a domenega, ea nona spena ‘na gaina par fare el brodo da dargheo a bevare ai parenti che vien trovarla.
El zio n’ol beve el brodo, parché el dize che ghe gonfia ea pansa, a eora xe mejo che in casa ghe sia senpre pronto un goto de vin.
I mestieri de ‘na dona de casa
Nel caliero se scalda l’aqua par fare ea “lisia”, la senare sul fogoaro ea xe senpre pronta, fora ghe xe el masteo par lavare e arte.
Dentro al masteo ghe xe e mudande dea nona che e ga un spaco in mezo e un cordon in vita, ea camisa del omo che ea spusa de suore, ea camiseta de e done che e se mete a ea festa e i panesei dei putei.
Su la toa ghe xe quatro brancà de farina bianca e un par de ovi par fare ea sfoja de tajadee, el taoliero e ea cortea par tajarla dopo che ea xe sta rodoeà, ea ga da esare tajà fina come cavei de angeo, parché a ea domenega e se magna co’ del bon brodeto de gaina.
Ea gaina ea vien spartìa cossì: el coo al nono, e aé a e done, el corpo a ea nona, el pecosso ai omani e e sate ai putei.
D’inverno mosche no ghe né, ma d’istà bisogna rancurarse ea roba, e par questo in casa, cuerta da ‘na retina ghe xe ea moscaroa co’ dentro formajo, buro, lardo, un cuo de saame e un par de ossi da brodo., sconti cossì e mosche no ghe va su, parché e xe tanto porsee che e va anca drìo al loame.
MEZODI
A mezzodì se parecia ea toa, pai putei che torna da scoa e pai veci che i no va p= a lavorare. Un cò ghe xe i bigoi col torcio, ‘na sbrancà de pisacani consà co ajo e lardo e calche olta ‘na feta de saado, che se magna anca s’el xe ranso. Dopo na mezoreta tuti al laoro, parché el nono el ga da sponsarse.
SERA
Quandocaa el soe a xe sera, e par on cò el lavoro sui canpi el xe fato. Vesin al canton dea casa ghe xe un cain pien de aqua par lavarse, prima de sentarse a disnare: poenta calda roersà dal panaro su ea toa, taja col fio da cusare, su un piato in mezo a ea toa ghe xe el sardeon ch’el varda col so ocion, negà in mezo a del’ojo mostrin, co’ vesin un fiasco de vbon vin.
A capotoa ghè el nono, el vecio che tuti comanda e che da tuti el vien rispetà. El vien servìo par primo, e dopo vien servìi tuti dal pì vecio al pì zovane.
I omani i parla de lavoro che xe sta fato e de queo che ghe xe da fare el dì dopo, e done e scolta e e serve in toa, i putei, che no xe boni de star siti, i vien ciamà a uno a uno dal nono, e se i continua i se ciapa calche scapeoto da so mama. Finìo de senare tuti in staa a fare fiò.
I tozeti xe tuti sù de jiri parché stasera a vien Gijeto, ch’el conta la storia del’orco, copà co’ un colpo de spada dal principe . E anca ea storia del corsaro nero ch’el ga sconto el so tesoro in te ‘na caverna piena de serpenti.
El nono, el tira fora mezo sigaro toscan, e el se eo fuma prima de ‘ndare in leto, ea nona ea tira fora ea tabachiera e ea snaza, tirando sù ‘na ponta de tabaco, fin a farla straunare, parché soo straunado se verze i polmoni.
I omani se fa su e sigarete coe cartine e col trinciato forte. I tozati da moroza no i fuma e no i gà magnà l’ajo, parché se ghe spusa el fià no li poe darghe bazi e struconi a ae so toze.
Dopo se va tuti in staa fare fiò, e se se scalda vessin ae vache, co’ l’odore dee boasse se fa ‘na bona dijestion.
Ma prima delle storie, ea nona, insieme ae toze pì vece, e ringrassia Dio parché anca un cò se ga magnà, co’ ea recita del Rosario, e litanie, e ‘na marèa de Ave Marie par tuti i Santi dei nomi dei parenti.
E done e xe in casa che e broà i piatti, e spasa i quarei dea cuzina co’ ea scoa de vesta, e neta ea senare dal camin e e mete ‘na soca grosa sul fogoaro, che el ga da ardare fin tardi, parché ea note xe longa e freda.
Gijeto el xe riva, e el scomissia a contare e storie. Col ga fnìo, prima de ‘nadre via, el ne dize che in jiro el ga visto el spasacamin, nero che pì nero no se poe, e che forse in setimana el vegnarà anca par sta canpagna. Cossì stanote i putei se sognarà del’omo nero.
Coa scusa de conpagnare al porton Gjieto, el zio el va catare ea moroza, che lo speta soto ea nogara., e nialtri tozeti sconti drìo i balconi a vedarli che i se dà i bazeti. E toze da st’altra camara e varda anca eore, e no le vede ora de poderse maridare.
ANIMAI DA CORTE
Nee corte de canpagna ghe jera senpre
Gaine oche arene piti e faraone
Nea staa ghe jera e vache
Nea staeta el cavao e el muso
Nel porsie ghe jera i porsei
E poco pì in la ea conejara
Da a ea matina a ea sera
Se spandéa intorno el bel canto
Ma ‘na roba che me piazea vedare
Ea jera ea nona con ‘na tozeta vesin
Che ea ghe insegnava
A incoconare e oche
Ea nona gavéa ‘na tenica
Par incoconarle
Che jera un piasere vedare
Come che ea verzéa el beco dea oca
Tegnedoa par el coo
Ea incoconava de grani de formenton
Par un poche de olte
Fin che e jera pronte
Pronte par esare copà
Parché par ognun
De tuti sti animai
D’inverno o d’istà
Vegnéa el so tenpo.
SBOBA E FREDO
Quando che jero puteo
A go patìo fame e fredo
Me ricordo
Un pignato co dentro
Aqua calda
Calche tocheto
De seoea patata e carota
E do grani de sae
Questa ea se ciama
SBOBA
Che pasava el convento
E magari che tuti i dì
Ea ghe fuse sta
Almanco d’inverno
Se scaldavimo el stomego
E dopo co un toco de pan
Andavimo fora a zugare
E sicome fazea fredo
A fazevimo tanti jiri dea Isoa
Fin che se scaldavamo.
Questa xe ea vita dea casa su ea capesagna, dove chi no lavora no magna.
Cari amissi,
questa che vien desso
zé la racolta completa de poesie
de GIANCARLO FABBIAN, da Monséese!
Ve la lasso nel so testo originae
parché podí gustarla mejio
propio come che lú stesso ga voesto fare!
Bona letura a tuti
e....
MAI DESMENTEGARE LE PROPIE RAÍSE"!
GIANCARLO FABBIAN
MAI
Desmentegarse de le proprie
RAISE
PRESENTAZIONE
A GAETANO
Egli citava sempre: Il piccolo principe
di Antoine de Saint-Exupéry: ”Non si vede bene che con il
cuore, l’essenziale è invisibile agli occhi”.
E lui ha guardato sempre il mondo con gli occhi del cuore,
amando tutti allo stesso modo, con la stessa passione, volgendo lo
sguardo specialmente verso i più deboli e i più indifesi, verso coloro
che agli occhi di tutti appaiono spesso come invisibili. Vorremmo che il suo ricordo potesse aiutare ad aprire l’anima anche
di chi non ha conosciuto Gaetano
e servire da stimolo per un momento di riflessione
sul significato dell’esistenza umana.
BELE TRADISSION
Ne la vita ghe xe de le robe
Che no se desmentega mai
Una de queste xe el
Fioreto del mese de magio
La cesa piena de puteli
Che prega cantilenando
E pian pianin ciacolando
Le decine dell’Ave Maria
E la canson l’Ora che pia
A vosse tanto alta
Che l’ariva sens’altro
Fin nel’alto dei celi
E quanto beo che xé
Finio el Fioreto
Vedare ‘sta sgnarà
De’ diaonsei
Corarse e cojonarse
Davanti al piassale
De la cesa
E la sera del trentun de magio
Che spetacolo vedare
I tozeti de la prima comunion
Tuti in fila in procession
Co’ i sesteli pieni
De petali de rose
Che li semena par la via
Al passajo
De la Vergine Maria
I balconi de le case
Co’ i nissoli bianchi e infiorà
El profumo del’incenso
E i canti de la corale
E le ociade
De le tozete inamorà.
BELLE TRADIZIONI
Nella vita ci sono cose
Che non si dimenticano mai
Una di queste è il
Fioretto nel mese di Maggio
La chiesa piena di bambini
Che pregano cantilenando
E pian pianino chiacchierando
Le decine dell’Ave Maria
E la canzone l’Ora che Pia
A voce alta
Che arriva senz’altro
Fino all’alto dei cieli
E quanto bello è
Terminato il Fioretto
Vedere questo nugolo
Di (vespe)birichini
Correre e prendersi in giro
Davanti al piazzale
Della chiesa
E la sera della fine di maggio
Che spettacolo vedere
I ragazzini della prima comunione
Tutti in fila in processione
Con i cestelli pieni
Di petali di rose
Che seminano per la via
Al passaggio della Vergine Maria
I balconi delle case
Con le lenzuola bianche e infiorate
E il profumo dell’incenso
E i canti del coro
E lo scambio di occhiate
Con le ragazzine innamorate.
CARI NONNI
Avete visto il secolo scorso
E in questo secolo
Per fortuna
A tenerci compagnia
Siete ancora qui
Grazie nonni!
Per tutto quello che fate per me
Per la pazienza che avete
Per quello che mi raccontate
Che non si trova nei libri
E per quello che mi insegnate
Che il mondo d’oggi
Si è dimenticato
Siete il mio rifugio
Quando i miei genitori mi sgridano
La mia consolazione
Quando prendo qualche schiaffo
Grazie nonni!
Se non ci foste
Da chi andrei?
Cari nonni
Vi voglio tanto bene.
CARI NONI
A ghi visto el secolo passà
E in te sto secolo
Par fortuna
A tegnerme conpagnia
Si ‘ncora qua
Grassie noni
Par tuto quelo che fè par mì
Pa la passiensa che gavì
Par quelo che me contè
Che no se trova nei libri
E par quelo che me insegnè
Ch’el mondo de un cò
Se gà desmentegà
A si el me rifujo
Quando i mii me brava
La me consolassion
Quando ciapo qualche graton
Grassie noni
Se non ghe fussi voialtri
Da chi ‘ndaria?
Cari noni ve vojo tanto ben.
DAL CORPO AL’ANEMA
Caro Alfredo,
Te gò conossuo putelo
E dopo tanti ani
Anca se te si passà
Da la cura dei malà
A curare le aneme
De queli che ga pecà
Te sì senpre quelo
Te ghe tegnù
La to grinta e la
To voja de fare
‘Na parochia veciota
Te ghe eredità
E dandote e man torno
Te la ghe tirà su
Come el vol Lù
Te la ghe fata viva e bela
Come ‘na putela
Bravo Alfredo
Tuti stassera qua riunii
Pieni de’ afeto te ‘miremo
E de ricordarne al “Paron”
Te preghemo.
FRADEI D’ITALIA
Par quante storie che sia capità
Par quante storie che capita
Par quante storie che capitarà
L’Italia mai no l’inpararà
A essare manco sparonsona
A no fare confusion
A ricordarse de la fame
Che ghemo patìo
A gustare la libertà e la pase
Cò tanta tribolassion conquistà
A tegnere da conto serte regole
Che i nostri veci ne gà insegnà
A pare che semo deventà mati
Seguimo dele mode
Che li altri li ga sbandonà
Sichè restemo sempre indrio
Come sinquanta ani fa.
I TRE…
Basta vardarli cossì seriosi
Par diventare curiosi
E domandarse chi che i sia
Stì tre …par far rima
dell’ave maria
Ben ve lo digo mi:
uno se ciama Marieto
a sinistra co’ la facia da coldireto
senpre pronto a darse da fare
ogni volta che i lo manda a ciamare
quelo in mezo xe Vitorio
ciamà anca “Maani”
un artista del legno
no solo par lavorarlo
ma anca par brustoarlo
e fare de le bele bronsette
par quatro brazoete
el terso pì picoleto
se ciama Doriano
el xe un poco tuto fare
da far de conto
e da fotografare
tuti e tre i ga calcossa
ché i accomuna
la passion par la……..
MAI CONTENTI
Ala fine e al prinsipio de’ ‘sto ano
A pareva de’ essare a primavera
Qua a ‘sto tenpo
Ghe fasevimo bela siéra
Se lagnava solo i montanari
Parchè sensa neve
I alberghi no li faseva
Gnanca pari
‘Desso xe rivà un poco de’ garbin
La neve in montagna xe cascà
Pochi xe stà contentà
Ma quelo che xe stà xe stà
Invesse noialtri che semo qua
Spetemo a vedare cossa che capitarà.
MARSO
Ché bel mese
Co’ i prà pieni de’ fiori
De’ tuti i colori
Margherite angioleti
E oceti de’ la Madona
L’erba la gà un verde
Cossì vivo e belo
Ché sé conpagna
Al celeste del celo
Xe qua la primavera
Xe pì ciaro a la matina
E stenta a vegnere sera
Se avisina la Pasqua
Che ne’ ricorda
La resuresion
De’ nostro Signore
Ché de’ tute ‘ste bele robe
El xe el Creatore
Ma stemo anca ‘tenti
In te ‘sto mese
Al colpo de’ còa
Del’’inverno
Ch’el pole serbarne
Dele brute sorprese
Alora ‘stemo ‘tenti
A spoiarse in pressa
E ‘spetemo
Ch’el calore del sole
Cressa.
NA FOTOGRAFIA DE 62 ANI FA
Par el me conpleano
I me ga regalà
‘na foto de 68 ani fa
E me rivedo
Sull’arzare del canale
Co’ le braghete curte
Co’ le tirache
Fate co’ un toco de tabaro
De me nono
Calse e maya fate a feri
Tuta opara de me mama
E sgalmarete de legno
Fate da me popa
E anca el sciopeto de legno
Ch’el me ga fato
Co’ le so man
‘Sta foto la xe piena
De teneressa
Che la me inpenisse
De malinconia
E de tanta nostalgia.
NEMO PROFETA IN PATRIA
S’el vento tira
Dala nostra parte
Ogni roba che femo
La vien fata co’ arte
Però che xe
Dei bravi artisti
Che no li sarà
Mai visti
Forse dopo morti
Par qualcuno
Vegnarà riparà
I torti
E i più li sarà
Desmentegà
In te un casseto
De’ qua e de’ là.
UN FRATE
Fin da putelo
Jera scrito nel celo
Che sto tozeto Saria deventà
Dal Signore benedeto
Frate consacrà
E dopo tanto studiare
Prete e profesore
Parchè el aveva da amare
Tuto e tuti a Gesù e so mama
La Madona
Intiero el se dona
Ricordo le so bele prediche
I so insegnamenti
I so esenpi
E la devosion ai sacramenti
E quanti tozi e toze
El ga incontrà
Ne le scole
Dove el ga insegnà
Un cò el fa 50 ani
De ordinasion sacerdotale
Rivà fin qua ben o male
Par altri 50 el ga continuare
Fin ch’el rivarà
A santificare
Un fiume de beati
Cossì ch’El Bon Dio
El ne perdona
Tuti i nostri pecati
Alora Padre Fabio
Che fasso e me congratulasion
Co’ afeto e emosion.
PAR LA REMADA A SECONDA 2007
Vardando ‘sta fotografia
De’ tanti ani fa
A vardo ‘sti barconi fermi
Che li speta de’ caricare
Le piere de’ trachite mucià
Sulla riva
E me vien in mente
I scariolanti i cavadori e i scarpelini
Che li faseva tanta fadiga
Par mantegnere i so’ putini
Me vien in mente i barcari
Che li stivava le mercansie
E pian pianelo
Jorno dopo jorno
Li navegava su canali e fiumi
E la so’ casa vera
La barca la jera
Un co’ i tenpi xe canbià
Ma la nostalja xe restà
E la remada a seconda
La ne’ fa ricordare
El ponte de’ le Cioare
El passo del’Aqua negra
Pontemanco e Gagnola
Bovolenta e Pontelongo
Tanti posti tocà dai nostri barcari
Che’ par tanta zente
Li xe ‘ncora i pì cari.
PASSO DOPO PASSO….
El jorno del primo conpleano
Semo cocolà come un sultano
I primi lustri i xe de’ baldoria
Tuto fogo in serca de’ gloria
Beata joventù co’ tanti grili in testa
Pieni de passion e senpre in festa
Però a quaranta
La galina canta
A sinquantani
Riva i primi malani
E a la sessantina
Ghe nemo una ogni matina
Rivando ai setanta
Calcossa s’incanta
A otantani semo a cartoni
E rompemo i maroni
A novanta ‘demo de stranbalon
E semo messi in te un canton
A sento
Spetemo solo ch’el momento.
Questa la xe la storia de la vita, ‘demo tuti verso che la via, ché se volemo che la sia benedia, la caminemo ben, solo ‘stando insieme in conpagnia.
PREGHIERA DE’ SPERANSA
Bote da orbi
Co’ missili bonbe e canoni
Questo el xe el mondo
De’ un cò
No basta uragani maremoti
Teremoti e tante altre
Bele robe ché la
Natura ne roversa ‘dosso
Né la testa del’omo de’ un cò
Cò la so siensa e tecnologia
El fabrica armi potenti
Che le distruze
Tuti i continenti
El fa bonbe chimiche
Che le desfa el corpo
Dei poricani malà
De cancro
Ché li spera inutilmente
De’ guarire
Te prego caro Signore solo Ti
Tute ‘ste robe te poli
Far finire.
REGALI DE NADALE
Quando scomissia el fredo
Se tira fora cuerte
Vestiti pesanti
Barete siarpe e guanti
Sercando ‘ste robe
So ‘ndà nel solaro
De’ drio un vecio tabaro
In te un canton
Ghe jera
Rosegà dai sorsi
‘na scatola de’ carton
La verso e trovo
Dele statuete del presepio
Le jera
De gesso mese rote
Cò i colori smarìi
De’ colpo me so fermà
Co’ ‘ste statuete in man
Indrìo nel tenpo so tornà
Me so comosso
Gò fato ‘na lagremeta
Cò ‘la promessa
Ché al posto dei regali de’ nadale
A fasso dele oferte
Par la xente poareta
Auguri auguri a tuti quanti
Ai vissini e ai distanti.
VITA DA VECIO
La burana col so caligo
La me porta dolori a li ossi
La sbianca canpi e fossi
La me fa metare le cuerte in leto
E la legna nel fogolaro
La me fa tirare fora
Capelo e tabaro
Tiro via la carega
Da soto el bagolaro
Me piasso vessin al fogo
Co’ un bicere de vin novo
A speto che l’inverno passa
Par tornare da novo in passa.
ZENARO
El fa paura ‘sto mese
Ogni dì co’ le sò sorprese
La burana la neve el giasso
Nessun che va a spasso
Tuti in casa ritirà
Co’ le stue inpissà /
La pignata la boje
I albari xe sensa foje
La mama fà la polenta
E quando a tola se se senta
La se magna a fato
Scotandose el gargato /
El xe longo zenaro
Ma n’ol xe un mese amaro
Parchè la tera se repossa
Par partire a la riscossa
Col tenpo xe pì beo
Portà dal primo soleseo.
XE SQUASI ORA DE ‘NDARE A ERBE
Pissacani
Bijogoe
Scrissoi
Sparasine
Se’ cata
In mezo ai canpi
O sù par i coli
E co’ ‘ste bone erbete
Se’ fa de’ i
Boni magnareti
Ché toca:
“ Le tete de’ la regina”
E la so’ morte i xe
Risotini e fritajete.
POLENTA E BACALA’
Assè pur che i diga
Ma cossa che xe
De mejo de sentarse
A magnare intavolà
Polenta e bacalà ?
El merlusso
El xe un pesse che vien
Dai mari del nord
E da senpre
El ne’ sostien
El vive in branco
El gà do ocioni grandi
E quando ch’el vien ciapà
El vien messo soto sale e secà
Tanti ani fa un vicentin
In Norveja emigrà
Col xe tornà
In Italia lo gà portà
Ghe xe dele bele rissete
Par farlo davero ben
Par magnarlo in conpagnia
A casa o a la casona
A la facia de’ tanti mona.
POLENTA E BACCALA’
Lasciate pure che dicano
ma cosa c’è
di meglio di sedersi
a mangia a tavola
polenta e baccalà?
Il merluzzo
è un pesce che viene
dai mari del nord
e da sempre ci sostiene
Vive in branco
ha due occhioni grandi
e quando viene preso
viene messo sotto sale e seccato
Tanti anni fa un vicentino
in Norvegia emigrato
quando è tornato
in Italia lo ha portato
Ci sono delle buone ricette
per farlo davvero bene
ed è una gioia mangiarlo
in compagnia
alla faccia di chicchessia.
TONI ONBRA
De qua e de là
A bevo calche onbreta
in jro par la cità
le ostarie
le xe tute mie
Scomisio a la matina
e fin a la sera
a digo ‘sta preghiera:
Caro Jesù banbin
Fame trovare
VIN
VIN
VIN
par senpre VIN.
ANTONIO
Di qua e di la
Bevo qualche bicchiere di vino
In giro per la città
E le osterie
sono tutte mie
Comincio alla mattina
E fino a sera
Recito questa preghiera:
Caro Gesù bambino
Fammi trovare
Vino
Vino
Vino
Per sempre vino.
PRIMAVERA
Ieri matina
‘ndando fora da casa
Par ‘ndare fare la spesa
Nel troso vessin al fosso
Me paréa
de sentire miagolare
No ghe go fato caso
e so tirà ‘vanti
Miaoo…Miaoo…!
Stavolta go ben sentìo
Alora so tornà indrìo
E dentro ‘na scatoleta
De carton maron
A vedo ‘na testina
Rossobionda co’
Do oceti scuri
che me varda
El jera un gatin
Sbandonà poro putin
Me lo so tolto su
E portà a ca’
A ghe go da el late
Col ciucio dela banbola
De me fjola e
Quando la xe tornà
Da scola lo ga trovà
Nel sésto sora la tola
Nei so oci go visto
La contentessa vera
E miaoo…miaoo…
Lo ga ciamà primavera.
PRIMAVERA
Ieri mattina
Andando fuori di casa
Per andare a fare la spesa
Nel sentiero vicino al fosso
Mi sembrò
Di udire miagolare
Non ci ho fatto caso
E sono andato avanti
Miaooo…miaooo…
Stavolta ho sentito bene
Allora sono ritornato sui miei passi
E dentro a una scatoletta
Di cartone marrone
Ho visto una testolina
Rosso bionda con
Due occhietti scuri
Che mi guardano
Era un gattino
Abbandonato povero bambin
Me lo sono preso in braccio
E portato a casa
Gli ho dato il latte
Con il biberon della bambola
Di mia figlia e
Quando lei è tornata a casa
Da scuola lo ha trovato
In un cesto sopra la tavola
Nei suoi occhi ho visto
La vera contentezza
E miaooo…miaooo…
Lo ha chiamato primavera.
CARNEVALE
A carnevale ogni scherso vale
E alora tuti in piassa a magnare
Fritole galani e favete
E saltare cantare balare
Mascarà come dele marionete
Se se fa schersi e se se coiona
Se se buta coriandoli e stele filanti
Se sona tronbete e canpanele
E se beve del vin bon
In mezo a la confusion
A riva arlechin e pantalon
E la festa continua fin
Ala note fonda
Fin che ne para via la ronda
El balar de carnevale
El se fa par tegnere
Lontan ogni male
W! W! el Carnevale.
ETORE EL CAVALO DE CIRIBEI
Ciribei el fazea el mestiere
Del caretiere
Tuti i dì in giro par ogni sestiere
Col careto de legno rebaltabile
Par no far fadiga
A butare zo sabia e piere
El trasportava anca la torba
De Arquà
Par scaldare la cità
Me ricordo però pì del cavalo
Che del so paron Ciribei
Ch’el jera cossì intelijente
Ch’el gavéa inparà
Tute le poste da fermarse
Anca quando Ciribei
El se jera inbriagà
El cavalo el gavéa el so radar
E e lo portava in tute le ostarie
El partiva ala matina bonora
Dala so casa sul Monterico
E la prima tapa
La jera l’ostaria de Boraso
E dopo tute le altre
Dala Carmela
Ai Tre scalini
Dale Puglie a Brugnolo
Da Canola ai do Mori
Dall’Orso a l’Enal e da Bergamasco
Par finire butà sul careto
Da Dala Bona tacà al mureto
Par farghe passare la bala
Prima de tornare in stala.
POST MORTEM
MIO PADRE AURELIO L’ARROTINO
Lo faceva con passione
Aveva iniziato
Col regalo
Di una mola a smeriglio
Che un amico
Gli aveva fatto
Aurelio con il suo ingegno
Quattro legni ha inchiodato
E con un cerchio di bicicletta
Una cinghia
Attaccata a una pedaliera
Alla mola a smeriglio
Il giro imprimeva
Un bussolotto e un rubinetto
Sulla ruota l’acqua
A gocce cadeva
E con molta pazienza
Lame d’ogni sorta
Aurelio affilava
Con il trascorrere del tempo
All’attrezzo un ruota
Ha attaccato
E a mò di carriola
Per vie piazze e contrade
El moeta gridava
Per molti giorni
Con la sua mola
Via da casa restava
Ma quando a casa
Ritornava
Aveva fatto qualche soldo
E finalmente
Si mangiava.
GNANCA DOPO MORTO POSSO REPOSSARE IN PACE
Me ciamo Orelio
So nato nel novesentoetre
Go fato ‘na vita de’ stenti
Onesta e dignitosa
Nel trentaoto co’ la me sposa
Nela colonia albanese
A lavorare so ‘ndà
E prima de’ farla malare
De’ malaria
In Italia so tornà
Go fato
La guera in Sicilia
E quando la xe finia
Me so trovà
A fare el manovale
De’ qua e de là
Par tirare ‘vanti
A fare el moleta
Me so inzegnà
E me so fato
‘Na vita davero movimentà
Go lavorà anca a scavare
El canale de’ Bataja
Go tirà sù sinque fjoli
Ben o male
Nel’otantadò so morto
E finalmente
Credevo de’ reposare
In pace al canposanto
Insieme a siori a poareti
A gobi storti e driti
Ma tuti uguali morti parfeti
Invese no la xe così
Par fare schei
I ga inventà ‘na lege
Che chi no pole conprarse
La tera del simitero
I te sfrata anca da lì
Par vendarla ai siori
Che ga da farse la tonba de’ fameja
Così no so chieto
Gnanca dopo morto
Mi spero solo
Che quando la tronba sonarà
Justisia e ugualiansa
El Signore farà.
LA COMEDIA ITALIANA DELA BUROCRASIA
1^ Parte
Caro popà, la to storia qua zo no la xe finìa, parchè el comune me ga ciamà par domandarme cosa che voio fare dei to resti. I me da do solusion, la prima la xe: conprare in concesion par trenta ani, un buso ch’el se ciama colonbaro osario; la seconda la xe: metarte in te la fosa comune, che la sarìa ‘na roba simile a le “foibe de’ titina memoria”, digo simili parchè quele le jera inpenìe co’ cadavari intieri, invese in queste qua i mete quelo che i trova de’ ti, quando che i te tira fora dala busa dove te si sepelìo, però le xe do robe simili parchè in nesuna dele do ghe xe el nome dei morti, go pensa subito che finalmente semo tuti uguali, insieme noialtri pareti, l’uno vesin al’altro, quatro osi gobi, storti, bei e bruti, ma se anca dei sìori ghe xe quatro osi, almanco lori i xe ‘ncora ricordà col so nome scrito nele so cesete. Te ghe gavevi rason popà la difarensa la ghe xe senpre, se nase poareti, se more poareti e solo i poareti li vien desmentegà, parchè el sìor ben o male el vien cò un fiore, magari ‘na volta al’ano, ricordà. Però ti caro popà, da noialtri fioli te si senpre ricordà nel nostro core, parchè insieme a me fradei, a ghemo pensà de’ metarte, insieme ala mama, in te do colonbari osari.
2^ Parte
Caro popà Orelio, un cò, marti 17 jugno 2008, ale 8 so ‘ndà al simitero, te go trovà za in te ‘na casetina de’ zinco dentro al magazin, dove te speti che anca mama Sandrina la vegna tirà fora, parchè volemo metarve l’uno vesin l’altro.Qua trovo el custode, ch’el me mostra el posto dove te ‘ndarè meso insieme a la mama e dopo el me consegna ‘na carta da portare in munisipio. Xe le 10 e calcosa, quando rivo in comune, trovo l’inpiegato ch’el scomisia a farme l’elenco de quelo che go da pagare. Antisipandome che le tarife de’ Moselese le xe le manco care, el me dise che la spesa par tirarte fora no la pago, parchè el xe el comune che ga bisogno de’ cavarte, parchè el to posto el xe sta domandà e pagà da un sìoreto, però par i do colonbari osari, go da ‘ndare dal tabachin a tore 9 marche da bolo da € 14,62, le sarìa 10, ma fasendo ‘na domanda unica co’ la mama, a gavarìa risparmià ‘na marca. Quando ‘torno, l’inpiegato el ga conpilà ‘naltre quatro bolete da ‘nadare a pagare in banca, e xe za le 11 e mesa.
3^ Parte
Vago nela me banca, ma la i me dise che go da ‘ndare nela tesoreria del Comune, che la se trova in te ‘naltra banca; coro parchè xe tardi, quando che rivo ghe xe ‘na fila de zente che speta e rivà el me turno, ghe mostro la carta de’ credito, ma me sento domandare: “zelo nostro cliente?”, no! Ghe rispondo, alora bisogna ch’el me daga schei contanti. Xe za un boto, vago fora par procurarme i contanti in posta, dove che xe orario continuo, togo el bilieto e speto; quando sula television vien fora el me numero xe un boto e mezo, ghe dago al’inpiegato la me carta de’ credito e questo el me dise che la no la va, prova e riprova no la ga gnente de’ bruto, schei ghe né, però no se pole fare nesuna operasion, par ultimo el me dise che vaga col libreto, nela filiale dove che go fato la prima volta el conto corente. Coro a casa e vago in filiale, ma la trovo sarà, no me resta altro da fare che ‘ndare a magnare calcosa, finchè no li verse lo sportelo.
4^ Parte
Alle do e meza, torno in banca e me rimeto in fila, xe quasi le tre, quando el casiere el me dise che go da darghe 1460,00 €, a me vien male e ghe digo ch’el rifasa i conti, infati, el ga sbalìa, el me domanda scusa, ma a la fine go da darghe: € 442,00 par la concesion dei loculi + € 28,14 par le spese del contrato+ € 42,00 par sarare el colonbaro osario de me popà + € 60,00 par tirare fora me mama + € 92,00 par rimetere el colonbaro osario de’ tuti do e € 109,00 par rimetere a posto la tomba dove che li ga cavà me mama, insoma el totale de’ tuta la operasion, dopo avere girà par un uficio al’altro par 7 ore e mesa, el xe de’ € 773,14. Torno, co’ tute le ricevute, dal’inpiegato del Comune e questo, par finire, el me fa metare ‘na diesena de’ firme e finalmente, verso le 4 del dopodisnà, gò finìo de’ girare e so finìo anca mì.
CONCLUSION
Morire xe deventà un luso, cargo de’ injustisia parchè anca da morti se xe difarenti, tartasà da le tase parchè se xe inpotenti, pieni de’ rogne parche semo circonda da legi, fate da omani politici che no xe altro che dei briganti che li se fa bei co’ i nostri schei, però anca lori quando che i xe morti, anca se ai poareti i continua a farghe torti, li go visti co’ i me oci che li xe anca lori: “ quatro osi bruti gobi e storti”.
Cari jenitori, ‘deso sì vesin l’uno al’altra, noialtri fjoli semo contenti parchè ghemo un posto dove podemo ‘ncora vegnere a pregare e a portarve un fiore par poderve ricordare e ringrasiare par tuto quelo che ghi fato par ‘nialtri.
IL VENTO DEL 3° MILLENNIO
Soffia forte urla distrugge
I danni sono enormi visibili
In molte zone induge
Con devastazioni terribili *
Ma il vento è vento
È un evento naturale
Anche se l’uomo non è contento
E’ un fatto normale *
E’ quando soffiano venti di guerra
Ché popoli e nazioni
Fanno tremare la terra
Scatenandosi come demoni *
La brama dell’odio e del potere
Nel terzo millennio la fa ancora da padrone
Di certo non è di Dio il volere
Ma è l’uomo diventato demone *
Piangi uomo dei tuoi cari la morte
Ravvediti fai soffiare il vento della pace
E’ ciò che hai voluto in sorte
Perdonerà l’arma che tace.
IN GIRO PAR EL MONDO
Che belo che xe girare
De’ qua e de’ la nel mondo
Lo se gira tuto in tondo
Co’ fassilità de ‘ndare e tornare *
‘Na volta se ‘ndava col bastimento
Da levante a ponente
Da oriente a ossidente
Con un viajo longo e lento *
Un co’ se va a Tocio
In areoplano
Sentà sul divano
In te un batare de’ ocio *
Vedemo el mondo intiero
Sità e popoli lontani
Eschimesi e indiani
De’ qua e de’ la del’emisfero *
A sé inpara tante robe
A se vede anca la miseria
Che la xe ‘na roba seria
E cameli co’ una o do’ gobe *
Se‘ va cossì in pressa
Ché ano dopo ano
Te poli vedare un vulcano
In te ‘na tera mai la stessa *
Se inparemo a rispetarlo
A se lo godemo da sèsto
Noialtri e anca el foresto
El sarà cossì un vero regalo.
IN GIRO PER IL MONDO
Che bello è girare
Di qua e di la per il mondo
Lo si gira tutto in tondo
Con facilità di andare e tornare
Una volta si andava con il bastimento
Da levante a ponente
Da oriente a occidente
Con un viaggio lungo e lento
Oggi si va a Tokio
In aeroplano
Seduti sul divano
In un batter d’occhio
Vediamo il mondo intero
Città e popoli lontani
Esquimesi e indiani
Di qua e di la dell’emisfero
Si imparano tante cose
E si vede anche la miseria
Che è una cosa seria
E cammelli con una o due gobbe /
Si va così in fretta
Ché anno dopo anno
Si può vedere un vulcano
In una terra che non è la stessa
Se impariamo a rispettarlo
Ce lo godiamo davvero
Noi e il forestiero
E sarà così un bel regalo.
LA SAGRA
Carte cartoni
Botilie vode
Par tuti i cantoni
I spassini li ga
El so’ bel da fare
Co’ tanta porcaria
Da rancurare
Le jostre le vien smontà
E in ‘te ‘n’altra sagra
Le vien portà
La sagra xe davero finìa
E spetando ‘sto ano che vien
Co’ un gropo in gola
Se torna a scola.
MARSO
Ché bel mese
Co’ i prà pieni de’ fiori
De’ tuti i colori
Margherite angioleti
E oceti de’ la Madona
L’erba la gà un verde
Cossì vivo e belo
Ché sé conpagna
Al celeste del celo
Xe qua la primavera
Xe pì ciaro a la matina
E stenta a vegnere sera
Se avisina la Pasqua
Che ne’ ricorda
La resuresion
De’ nostro Signore
Ché de’ tute ‘ste bele robe
El xe el Creatore
Ma stemo anca ‘tenti
In te ‘sto mese
Al colpo de’ còa
Del’’inverno
Ch’el pole serbarne
Dele brute sorprese
Alora ‘stemo ‘tenti
A spoiarse in pressa
E ‘spetemo
Ch’el calore del sole
Cressa.
MEMO
Ho visto cadere
A terra
Una ingiallita foglia
D’autunno
E ho pensato
A te Maria
Ché come questa foglia
Nella terra
Già da un lustro
Ti ho adagiata
La foglia presto
Sara ricoperta
Dall’erba nuova
Del prato
Mentre tu Maria
Rimarrai sepolta
Nel ricordo
Incantevole
Del passato.
SOLITUDINE
Scendi dal tuo altare
Ascolta la voce
Ché dentro ti parla sottovoce
E cerca di amare
Solo così potrai sapere
Se davvero sei solo o in compagnia
Fatti aiutare dalla poesia
Ché ti arde dentro
Come fuoco nel bracière.
UNA NUOVA STAGIONE
I colori il profumo dei fiori
Della marzolina primavera
Lascia a giugno il calore
Dei raggi del sole
Mentre già a settembre
Con l’aspro odore dei tini
Arriva fresco l’autunno
E con il Natale di Gesù Bambino
Il dì d’inverno si fa più piccino *
Primavera estate autunno inverno
Quattro stagioni
Volute dall’Eterno
Per i cattivi e i meno buoni
Fin dalla creazione
L’uomo si è adattato
A questi eventi
Di caldo freddo e bagnato
Con rispetto verso il creato *
Per milioni di anni
Terra animali e popoli
Hanno seguito il cambio stagionale
Adattandosi in modo normale
Alla natura primordiale
Ma la malavoglia di grandezza
Con l’effetto serra
L’uomo ha trasformato
Cielo mare e terra.
DIFARENSA
No conto pì
Quante volte al dì
A vago fora de casa
E ogni ‘olta
A vardo ‘na soasa
Tacà al muro
Dal fondo scuro
E vedo la piasa
I porteghi la tore
I tavoìni del cafè centrae
Rivedo el tenpo
De ‘na vita normae
Scandìa dal toco dée ore
Sonà da ea tore
El pasaìo de ea zente
Che camina sensa presa
Quanta difarensa
Col dì de un cò
Che se fa tuto de corsa
E no se incorsemo
Ch’el tenpo
Senpre nea stesa maniera
El pasa.
SUL FOGOLARO
‘Na fasina
Un toco de’ carta
Un fuminante
E in te un atimo
Fumo fogo e faìve
Se alsa verso el camin
Pien de’ causane
Tacà a la càena
Ghe xe el caliero
De’ ea poenta
Boìe l’aqua
Se buta eà farina
E mena e mena
Se fà ea potentina.
SUL FOCOLARE
Una fascina
Un pezzo di carta
Un fiammifero
E in un attimo
Fumo fuoco e fiamme
Si alzano verso il camino
Pieno di caligine
Attaccato alla catena
C’è il paiolo
Della polenta
Bolle l’acqua
Si butta la farina
E gira e gira
Si fa la polentina.
ESARE NONO
I dise che xe triste
Par mi invese
El xe tenpo de’ piste
De’ corse a la pisina
A portare el toseto
E a l’asilo a tore
La me putina
No faso fadiga
E so contento
Vago volentiera
Gò el core in bataréa
Ma presto vien sera
Anca cò jornada tiradéa.
TE SI TI…
Un capolavoro
Creà dal Creatore
La più grande
Forma de’ amore
E anca la pì furba
Dele creature
Te sì ti
Che te ne tien in vita
Che te ne sostien
Che te ne voi ben
Te sì ti
Che te fè girare el mondo
E anca la nostra testa
Par ti a fémo
Qualsiasi monada
E senza de’ ti
A semo persi
Par ti 8 marso
Giorno de’ la to festa
Dovarìa esare ogni di.
8 MARZ0
Un brivido dopo l’altro
È il tuo sguardo
Un’emozione sempre più intensa
È la tua figura
Una dolce carezza
E’ una gioia immensa
Un bacio sfiorato
E’ un meraviglioso dono
Grazie Donna!
Senza te
La vita
Sarebbe un nulla.
GIOCHI POVERI DI UN TEMPO PASSATO
Cuccagna
Tiro alla fune
Rompere le pignatte
Gara degli spaghetti
Gara delle mele
Pianta chiodi
Tiro al mattone
Giro d’Italia
Corsa dei sacchi
Corsa col cerchio
Mosca cieca
Nascondino (cuco)
Tegna (presa)
Pindeche
Bianco / rosso
CONCLUSION
Ho scritto questi pensieri poetici per ricordare l’amico Gaetano. A lui piaceva il dialetto. Per questo motivo ho scritto alcuni pensieri in dialetto con la traduzione in italiano, altri li ho lasciati senza traduzione e altri ancora li ho scritti solo in lingua italiana. Forse alcuni li avrò già scritti in altri parti, non me ne vogliate e “ Repetita juvant”. Grazie!
L’autore
Biografia
Giancarlo Fabbian è nato a Monselice, ha fatto le elementari alla Scuola Vittorio Emanuele II di Via Garibaldi. Da privatista la terza media al Guinizzelli e al serale ha conseguito il diploma di Ragioniere e Perito commerciale presso l’Istituto J. F. Kennedy.
Per tanti anni ha fatto molti lavori in Italia e all’estero. Iscritto al Corso di infermiere all’Ospedale di Monselice, gli si è presentata l’occasione di fare il portiere - centralinista di notte, presso la portineria dell’Ospedale stesso.
Ha sposato Maria che lo ha lasciato nel 2002, per raggiungere la Gerusalemme Celeste. Con lei non ha avuto figli.
Negli anni ‘90 è andato in pensione e si è dedicato a leggere, scrivere e a fare i 3 pellegrinaggi principali a piedi: Santiago di Compostella, Roma e Gerusalemme.
Oggi legge, scrive e vive serenamente con Gemma e fa il nonno dei figli dei suoi figli, finché EL PARON vorrà.
***
GIANCARLO FABBIAN 35043 MONSELICE VIA SAN FRANCESCO,8
TEL CELL. 3391278851
E-mail : naibbaf @libero.it
Biografia
Giancarlo Fabbian è nato a Monselice, ha fatto le elementari alla Scuola Vittorio Emanuele II di Via Garibaldi. Da privatista la terza media al Guinizzelli e al serale ha conseguito il diploma di Ragioniere e Perito commerciale presso l’Istituto J. F. Kennedy.
Per tanti anni ha fatto molti lavori in Italia e all’estero. Iscritto al Corso di infermiere all’Ospedale di Monselice, gli si è presentata l’occasione di fare il portiere - centralinista di notte, presso la portineria dell’Ospedale stesso.
Ha sposato Maria che lo ha lasciato nel 2002, per raggiungere la Gerusalemme Celeste. Con lei non ha avuto figli.
Negli anni ‘90 è andato in pensione e si è dedicato a leggere, scrivere e a fare i 3 pellegrinaggi principali a piedi: Santiago di Compostella, Roma e Gerusalemme.
Oggi legge, scrive e vive serenamente con Gemma e fa il nonno dei figli dei suoi figli, finché EL PARON vorrà.
***
GIANCARLO FABBIAN 35043 MONSELICE
VIA SAN FRANCESCO,8
TEL CELL. 3391278851
E-mail : naibbaf @libero.it