´NA CARTUINA BIANCA

 

( Winterreise durch  Bayern )

 

 

 

 

 

Sentomía fiochi

 

sparpagnai sora i fossi…

 

i me pare pochi!

 

 

 

Sento milioni de fiochi

 

sparpagnai sora e case e sora i prai;

 

milion de milioni de fiochi de neve

 

che piove dal ceo…

 

i me pare ´ncora pochi!

 

 

 

Milion de miliardi de faive

 

che te vien dosso

 

man man che te ve vanti.

 

 

 

Miliardi e miliardi de bianchissimi pixel,

 

de candide farfae

 

morte geáe,

 

e pure vive…

 

no i zé gnancora tanti!

 

 

 

Na esplosión de farina,

 

na bomba tómica de zúcaro a velo,

 

na sprussada

 

de piume che i ángei ga perso

 

e mi…:

 

sotto a bufera

 

in meso sta  cartuina bianca,

 

co e man sol voeante atento a ´l sterso,

 

coi pié sui pedai,

 

coi oci che varda vanti

 

fora de a testa fissi so a strada,

 

col core che s-ciopa, che pianse, che prega,

 

de gioia e paura…

 

pensando a´a fameja restá ormai distante…

 

in meso sta cartuina bianca

 

sercando de ´ndarghe drio

 

a na stradina scura

 

che no finisse mai

 

che va sú, che va zo

 

drio ´l stampo dee cuine

 

che va zo che va sú, a destra e a manca

 

drio ´l stampo de a Baviera

 

speneá, par fortuna, dal deo de Dio!

 

 

 

Roberto Zaniolo
2° Premio

 

Concorso Internazionale “Mario Donadoni”

 

Bovolone – Verona

 

2008

 

´Na cartuína bianca - Secondo Premio Bovolone 2008
Roberto Zaniolo - 'Na cartuina bianca.pd
Documento Adobe Acrobat 235.7 KB
´Na matina al lido de tanto bonora
Roberto Zaniolo - Na matina al Lido, de
Documento Microsoft Word 171.0 KB
8 Marzo - Mimose
Mimose par le nostre donne.doc
Documento Microsoft Word 35.5 KB
A Itamar Benedet -.doc
Documento Microsoft Word 25.0 KB
A Valerio Baron - ´l brigante -.doc
Documento Microsoft Word 24.0 KB
A Vezio Nardini -.doc
Documento Microsoft Word 21.5 KB
Létara a Vittorio Ingegneri, dopo che´o go conossúo!
A Vitorio Ingegneri.doc
Documento Microsoft Word 22.0 KB
A Maria Luisa Contran.doc
Documento Microsoft Word 35.5 KB
A Vezio Nardini.doc
Documento Microsoft Word 27.5 KB