Nanetto Pipetta

 

 

Nanetto Pipetta vive in Santa Tereza, Rio Grande do Sul, Brasil. Ze cognecesto anca come el Naneto Pipeta parché metà de so documenti i ghe dà el nome de Naneto Pipeta.

 

Nanetto el ze vivo e se sconde in mezzo a le montagne de Monte Belo del Sul e Santa Tereza, darente Bento Gonçalves, ntela region da Serra Gaúcha, Rio Grande del Sul.  Dopo chel ga catà  la cucagna, se sconde da paura che le persone i svendesse fora el so segreto.

 

Tuti quei che ga relassion con la gente del Talian i ga belque scoltà parlar sora sto Nanetto Pipetta.  Questo personagio, ga fato sussesso in mezzo i taliani, dopo che el frate Aquiles Bernardi ga publicà so storia  ntel giornal Stafetta Riograndense, nel ano de 1924.

 

In 1937, la storia de  Nanetto Pipetta guadagna un libro. Ma due ani dopo ga storà la seconda guera mondial e el governo brasilian ga proibito libri del Talian in Brasil. E lora, come ga scrito el Frate Rovílio Costa, i taliani scondea el libro de Nanetto Pipetta rento al armàrio, in mezzo al taier da polenta e le pesse de formaio, o anca, soto i paneti de pan.

 

Quaranta ani dopo, ze nassesto la storia de Nino, fradel de Nanetto Pipetta, publicata nel ano de 1999 par el artista Pedro Parenti, na persona che ga fato tanto ben al Talian del Brasil.

 

Nanetto Pipetta  ze stato la prima publicassion scrita in Talian che gavemo registri.

 

Pedro Parenti (1951-2000), un comediante del Talian, representea tanto ben sto Nanetto Pipetta che consentrava na mucha de gente par vedere la pessa de teatro ntele comunità del Rio Grande del Sul.

Pedro Parenti zera integrante del grupo de teatro Mìseri Coloni de la cità de Caxias do Sul.

dom

30

set

2012

Farghe Le balse

Riva nantra volta la festa de Santantoni in te la seconda. Come de costume la socetà in tiera tirava na setimana par pareciar tuto quel che ocorea:

Snetar la busa del sorasco, catar legna de angico, cargar i mortari, snetar in torno la cesa, darghe na man de calcina te le tombe del semitero, rangiar su nascianta la strada, catar i spiti de legno e cosita in vanti.

Te i ultimi di, le cosiniere copava e temperava Le galine; fava agnolini. I omi spacava legna e i copava la bestia pa’l sorasco.

Nanetto zé stà incaricà de divesi lauri:

Cargar i mortari. I mortari, par la giuventù che no sà cosa zera, ve lo spiego adesso:

Zera artefati de aço, come fuse on caneco de due litri de volume, verti in sima e co’n buseto de na banda darente tera. Tel buseto i ghe meteva on stopin. Rento tel “canecon” i ghe meteva polver negra bem strucada e par sora na man de tera seca bem pestada.

leggi di più 0 Commenti

dom

30

set

2012

Nanetto se insônia.

Dopo doma i due cavai e el mul el ghe dize a la Marcolina:

-Oncoi vago cassar. La zo in colônia onde ghemo batesto el riso, ghe zé on samo de columbi de campo. Ghen ciapo on paro e, sta será, femo la oselada.

El se tol su la sciopeta trenta sei de Boito, na scarselada de cartuci cargi fin la boca e el se ga messo sconto rento te on baruscaro, a on diese metri de la paia de riso.

No ga intardigà tanto che on paro de colombete se atrato par magnar. Ghe ga dato fin spissa al deo, de la voia de dar via na sciopetada, ma el gà pensà che suito vegneva anca i columbi de campo, coei più grossi che on galeto garnizè.

No a demorà tanto e in medo le pombarole se ga trato zo due columbi che i pareva due polastri. El ga spetà che i se vicinasse e el ga smirà e bum...i osei se ga levà, meno i due columbi e na pombarola. I zera morti, fulminai de la sciopetada de Nanetto.

Li ga tulti su e el se a sconto nantra volta. Cossita te meda ora el gaveva mucia suo n diese columbi e on quindese rondinele.

-Par ncoi intanto basta. No cade destrudir. Co coesti, intanto sta sera ghemo na sena de quele de lusso.

leggi di più 0 Commenti

dom

30

set

2012

Nanetto a fato fama de domador.

Suito che la notisia se ga spaià de che Nanetto l’aveva mansà on caval in puchi giorni e sensa darghe na scuriada, ghe zé capità la vicinansa, in prima e dopo anca gente de i trassiuni vicini, volendo contratar el lavoro del toso incantador de cavai.

-Varda pensava Nanetto co i so botuni. go spacà la testa tante volte cercando on ofissio, come scarparo, sarto, sapassa camin e adesso, vedo che in fine el ofìssio me zé casca in brasso: domador de cavai.

La prima bestia che’l gà ciapà par domar dopo el caval rosso zé stà on mul roano de on vicino confinante co le tere de a Marcolina. Sto mul el gaveva i so tre ani e el ultimo che gà proa montarlo, le stà mena dal giusta ossi co on brasso e due costele a tochi.

El paron del mul ghe gà dito a Nanetto:

-Se te si bom mansar che’l demònio quà, posso dir a tuti che te ghe fato on mircolo, parche, co ti, el gà belche trato a bale alte cinque domaduri.

leggi di più 0 Commenti

dom

30

set

2012

El caval zera domà

In colônia, Nanetto gà liga el caval soto on massanaro cargo de pumi. Co on tre metri de soga, el podeva catar su la vena che zera in torno la pianta. La note vanti zera stà on paro de culpi de vento e tanti pumi zera cascadi in terra. El caval li ga snasai in prima e dopo el ghe ga dato on sganon a uno. Ghe gà piasesto. El ghenà magna na spansada. Nanetto ga laorà on toco a passar peste e dopo el ghe ga portà on fasseto de canete, abiuni e latui. El caval no a tastà gnente. El gaveva la pansa piena de pumi.

Nanetto lo gà ligà curto e l’a scomissià caressarlo. Cada caressa, el voltava la testa e Nanetto ghe dava on paro de grani de milio. Co ghe ga paresto, Nanetto l á cavà la camisa e ghe la gà metesta in schena co tuta la calma. Come el caval no se gà movesto, l’a repetio la manobra.

-Bem, par desso intanto basta cossita, dize Nanetto.

leggi di più 0 Commenti

dom

30

set

2012

Nananetto taca domar el caval

Pena matina tel spontar del’alba, Nanetto ze saltà su del leto. El gà impià el fogolaro, messo rento on paro de borèi de angico, metesto su la salera negra de fero par boier el àqual pa’l café. El à pensà;

-Intanto che’l àqua bóie, vago veder el caval e darghe na branca de milio e on fià de àqua neta. Intanto che’l magna, mi bevo el café e dopo taco laorarghe drio, pianin, par no spaurarlo e far na bona doma.

Co le rivà in cosina, la tola zera posta e la polenta drio brustularse te la siapa. Nanetto, contento gà saludà la Marcolina:

-Bom giorno. Mi stago bem e anca El caval rosso e vu gheo dormio polito?

-Come on Ângelo custode, ghe risponde ela. E el caval come se la gà portada fora sta note?

-He...el caval stà meio de mi. Lu el gà solo trè ani. Mi domanlaltro a ghe nò diese volte de più .

-No stà ver tanto pensiero su quel tanto là. Zé piu vecio on caval de trè ani do che on omo de trenta, ghe dà coraio la Marcolina.

leggi di più 0 Commenti

dom

30

set

2012

Toni e la Marcolina i compra un caval insieme

 

Ghe ze ritorná i camperi de Lagoa Vermelha co na trupa de cavai e mule, tuti da domar e bem bischeri, par vender a i coloni.

-Bele bestie, ga dito la Marcolina, suito che le ga viste. Ne ndaria bem una de quele lá anca noaltri.

Te quela ghe zé riva anca el zio Toni el se vicina de la trupa.

-Ma varda quel caval rosso, che bel animal de sela. El me ndaria bem anca mi, adesso che me zé morto da vecio el mul negro. El va in contreghe a la Marcolina, so cugnada e el ghe dize:

-Saria che comprassino in sieme na bestia de quele lá. Co’n caval solo el basta par le due fameie.
-Bem, vedemo cossa che i domanda pa’l caval rosso!

-Dosento cunti de reis, ghe dise el campero. Zé el meio animale que go te a trupa. No’l gà nensun difeto e gnanca na barde, parche no le mai stà montà.

leggi di più 0 Commenti

dom

30

set

2012

I peccati del Nene

Zera on sabo dopo mesodi e ghe zera messa tel capitel de Santantoni de a linia seconda. El Frate Maurício dizeva su la messa e Ciro Grando ghe fava da secondo. Zera ncora el tempo che’l frate dizeva la messa in latin e sempre volta co la facia par el altar.

Ciro l’era belche on omo fato e maridà. Come’l gaveva studià dei frati, el gaveva na pratica granda co le funsion e el ledeva latin sceto.

El Nene se gà senta darente Nanetto. El scoltafa tuto chieto. Quando, però el frate ga scomissià dar la comunion, Nanetto se ga messo in pie par ndar comungar. El vede che el Nene no se move. El ghe domanda soto você:

-Te vê mia tor la comunion?

-No che no vao, ghe risponde el toseto. Ieri go fato on pecato mortal e no son gnancora ndato confessarme.

leggi di più 0 Commenti

dom

30

set

2012

I dulsi de pasta co’l miel

Le ave africane le produziva el dopio de le ave dale. cossita gá scomissiá vansar tanto miel. Alora la Marcolina ghe dize a Nanetto:

-Varda che le ave ga scomissiá samar. Se no te tiri fora el miel, le te lo magna vanti alsar zolo.

La matina drio, Nanetto se instrada verso el fondo de a colonia. Su la careta, tuto quelo che volea par cavar sto miel: mascara, machina de far fumo, strassi veci, in suma, tuto quel que ocoreva. La zia Marieta lo a compagnà, prima, par no assar el toso solo, te on lavoro de grande perìcolo come zé tambarar drio le ave; dopo, parche la zera pràtica, visto che la gaveva giutà tante volte cavar miel insieme al nono Angelin.

Come zera i primi de aprile, el tempo trucava tanto via pa’l giorno. A la matina zera frescheto. Del mesodi in vanti, fin la par le quatro, fava caldo e le ave se fava cative. Cossita, co ghe zera manco de na hora de sol, i zera belche drio despicar i favi pieni de miele.

leggi di più 0 Commenti

lun

14

mag

2012

Uta che pescada e tanto

Nanetto Pipetta

Sergio Angelo Grando – Porto Alegre – RS

 

Zo in fondo la colònia onde i passava peste, el nono Àngelo l’avea stampà su on ranceto querto de tégole vansae e sarà co tole vece de sbrego. El servia par l’ora de magnar, ma soratuto par salvarse dela piova. La zia l’à giutà el Nene desmontar e l’à tirà zo i sestuni.

leggi di più 0 Commenti

lun

14

mag

2012

Un bruto acidente e la bote va a ramengo

Nanetto Pipetta

Sergio Angelo Grando – Porto Alegre – RS

 

Ze vegnesto l’ora de snetar le bote, parché, stano, l’ua francesa se gaveva adiantà. La staion ze stata bona. Bei giorni de sol, piova abastansa, tuto à giutà. Par Nadal ghe saria vin dolse.

Prima de tuto, el mastel par boier le sarpe. Nanetto à saltà rento pié par tera. In prima, cola scoa e aqua, ghe à dà la prima sfregada.

leggi di più 0 Commenti

lun

14

mag

2012

Te go dito che sta volta ndemo in malora

Nanetto Pipetta – Sergio Angelo Grando – Porto Alegre – RS

 

La ponte del Rio das Antas, na òpera de arte e, soratuto, on proieto che, se nel primo momento, ela assava qualche dùbio, adesso la se mostrava secura e de tanta utilità. Zera el progresso rivando e coronando el lavoro dei primi taliani.

leggi di più 0 Commenti

lun

14

mag

2012

Sio bon tegner in strada sta bruta bèstia?

Nanetto Pipetta

Sergio Angelo Grando – Porto Alegre – RS

 

- Génio, Génio, son mi, Nanetto Pipetta, de desso in vanti el vostro aiutante de viaio par tuta la Mèrica.- Ma varda chi ghe ze qua! Nanetto! óstrega, te zeri mia morto?

leggi di più 0 Commenti

lun

14

mag

2012

Santa Bàrbara! Ora pro nobis

Nanetto Pipetta

Sergio Angelo Grando – Porto Alegre – RS

 

Piovea tanto che le poce de aqua le pareva on mar. Le nùvole carghe, negre, piene de s-ciatisi se mantegne sora la casa de Àngelo e compagnia.

Nanetto, la zia Marieta e el nono i ze ndai scartossar e sgranar mìlio par dopo menarlo al molin. I taiava i scartossi co la meio paia par far i pachiti e dopo vénderli par ciapar qualche soldo.

leggi di più 0 Commenti

lun

14

mag

2012

On becon de na bissa e na bruta osada se fa sentir

Nanetto Pipetta

Sergio Angelo Grando – Porto Alegre – RS

 

El formento, dopo sesolà, zera metesto in tera, sempre insima la paia par ciapar al manco on di o due de sol. Cossita, el restava con poca umedità e co’l zera ligà a faie e metesto al querto, no zera perìcolo de far la mufa.

Ma, dele volte, el tempo cambiava de colpo e, al segnal dela prima tronada… Misericòrdia! Zera na baderna… Se zera de note, alora, cosa de deventar mati.

leggi di più 0 Commenti

lun

14

mag

2012

Nanetto se spaca na gamba

Nanetto Pipetta

Sergio Angelo Grando – Porto Alegre – RS

 

Par suito i pissi no i tirava. I proava meter el lamo soto i sassi, gnente. Te la corentesa parché là ghe ze le gioanine, gnente. Tele vasche, onde ze qualche zondià che va de soto on sasso al altro. Zera solo quele maledete sardelete grande fa on pulde che de tanto pìcole no le se pica tel lamo, ma, le sbecolava tuta la mignoca, assando el lamo lustro.

leggi di più 0 Commenti

lun

14

mag

2012

Nanetto se la gode a caval del Baio

Nanetto Pipetta

Sergio Angelo Grando – Porto Alegre – RS

 

A la doménega, nissun laorava a casa de Àngelo. Solo darghe magnar a le bèstie e altro no zera fato.

A la matina, là par le diese, su te la ceseta de Santantoni, le fameie se reonia par dir su el rosàrio e, dopo mesodì, i più veci ndava tea bodega zugar le carte, le boce e contàrsela. I più giùveni, o indava a morose, o chi no gavea la morosa, i dugava el futibol, o sinò i ndava in volta pal mato catar fruti, pescar e anca cassar.

leggi di più 0 Commenti

lun

14

mag

2012

Nanetto Ferío

Nanetto Pipetta – Sergio Angelo Grando – Porto Alegre – RS

 

Nanetto, piampianelo, el se tirava vanti verso le tere alte. Co la speransa de catar calche ànima viva. Ndava sguelto come na lumega. Co coela de corer par scapar dei bùlgheri, el gaveva assà indrio i zocoloti. El gaveva macà le sole dei pié e ncora par sora el ghe aveva pestà te na lesca de sasso e questo el gaveva verto on bel taio te on pié, come fusse na tega verta de fasui mori. L’avea scomissià infiamarse.

leggi di più 0 Commenti

lun

14

mag

2012

Nanetto doma on caval mal siapà

Nanetto Pipetta – Sergio Angelo Grando – Porto Alegre – RS

 

El zio Toni l’à comprà on caval dóveno e scarmeto. L’era mal siapà. Magro, peloso, desferà e co na bruta macaura in schena. Lo à batedà col nome de Baio.

Nanetto à savesto dela compra. On giorno, dopo disnar, intanto che i altri riposava, à taià fora pal potrero e te na s-cianta zera zo de Toni.

leggi di più 2 Commenti

lun

14

mag

2012

Matussel, vuto coparte e méterme in rovina?

Nanetto Pipetta – Sergio Angelo Grando – Porto Alegre – RS

 

Forsa de ndarghe drio a Génio, Nanetto el ga perso tuta la paura dei camignuni e altre màchine che ndava sensa boi e mule.

Intanto che Génio soferava, Nanetto ghe la contava, ma stava atento co la coa del òcio par veder tuti i moviminti che’l paron del camignon fea.

Zo par la riva, el strucava col pié drito; co’l voleva trucar le marce, el strucava col pié sanco. Cossita, on poco al di, el ga catà su cognossiminti, che ghe parea sufissienti par soferar el bestion.

leggi di più 0 Commenti

lun

14

mag

2012

Le maledete bestiolete che busna in testa de Nanetto

Nanetto Pipetta

Sergio Angelo Grando – Porto Alegre – RS

 

L’ùltima volta che l’ò visto, Nanetto Pipetta el zera zudante de sofero de Gènio, che’l menava prodoti dei coloni a Caxias do Sul, e de Caxias do Sul el menava de ritorno feramente, robe in metro e altre tràpole par vender ai pìcoli mercati dele colònie. Ò savesto che Nanetto ze ndà a altri posti, dopo che’l ga dassà de laorar de zudante de Gènio. El ze ndà a Santa Catarina, a la Quarta Colònia, e l`à fato on viaio più longo, in Itàlia.

Dopo tornà del Itàlia, saveo onde lo ò catà de novo?

leggi di più 0 Commenti

lun

14

mag

2012

Le balse de tole ntel rio das Antas

Nanetto Pipetta – Sergio Angelo Grando – Porto Alegre – RS

 

Le torade le zera rastae fora del mato par i cariaduri, verti a segon, manara e ronconi. El comprimento zera inversamente proporsionale a la grossessa dela torada; o sia, quanto più grossa la torada, più pìcolo la longhessa, par via del peso. Ma, dele volte, la torada la zera tanto perfeta e de on legno bon, come el pin de copa, che bisognava tégnerla longa al manco sei metri. Alora, par rastarla fora, i doparava le oto giunte de boi.

Nanetto sevitava dir:

leggi di più 0 Commenti

lun

14

mag

2012

La resa dei cunti

Nanetto Pipetta – Sergio Angelo Grando – Porto Alegre – RS

 

Dopo quela saga dei bùlgheri, de Matia Zanetti e de far el mas-ciaro, Nanetto ze ndà trovar la morosa nantra olta. El voleva contarghe tuto, come fusse na resa dei cunti.

In tola, a la sena, la prima sera, Nanatto à fato un relatòrio a la fameia de Àndolo, sensa tirar via gnanca na vìrgola. Pitosto, dontarghe qualche punto de sclamassion, come, Quanta paura! O, sinò, Che braure!

Quei che lo scoltava, invesse, i laorava depiù co le interogassion. I se domandava fra de eli:

leggi di più 0 Commenti

lun

14

mag

2012

La fazenda de Matias Zanette

Nanetto Pipetta – Sergio Angelo Grando – Porto Alegre – RS

 

Come zera pi poco da far, Nanetto el ghe dise a Gìgio:
– Ben, no ghe ze gnente più che mi possa giutar, alora se no ve importè, vago via a Monte Véneto de on tale de Matia

Zaniti a giutarghe menar tole a Porto Alegre. Ghe ze stòrie che’l paga polito. Alora catarò su calche puchi de soldi par maridarme anca mi.

Dopo ricevesto la paga dei giorni laoradi là de Gìgio, el toso se instrada.

Meda giornada de trotin e el ze rivà a medo boto a la Fazenda de Matia. I laoranti, on cinquanta, sentai insima le torade davanti l’ insegno, i magnava fasoi, riso, mangioca e polenta. Nanetto el ga pensà:

leggi di più 0 Commenti

lun

14

mag

2012

La fàbia del pineto de Nadal

Tel tempo che le bèstie parlava, ze nato, te a borda d’on bosco, vicino a na strada storta, on pineto araucària.

La stòria de la natività del pin ze stà fruto del òpera natural dela perpetuassion dele spèssie.

On giorno, na graia zera drio inpienirse la pansa insima on pinaron de copa, pien de bòsie maùre, del altra banda de la strada.

Quando zera de budele piene, la ga pensà:

leggi di più 0 Commenti

lun

14

mag

2012

La chietùdine dei boschi

Sergio Angelo Grando – Porto Alegre – RS

Seste e sestuni prunti, le giornade te la strada compie. La strada ze restada come na variante. Te le rive più forte i à menà na mùcia de slitade de batingon, mescolà co on poco de scoio fato a martelae. Te serti posti, co zera impossìvole che la batinga se tegnesse, par via dela riva esser massa granda, i fava on tocheto de saliso. El saliso zera fato de sassi

leggi di più 0 Commenti

lun

14

mag

2012

In te la bodega, dopo el sepolimento

Nanetto Pipetta - Sergio Angelo Grando – Porto Alegre – RS

 

Pena fenio sepolir Nani, tuti va catarse tea bodega. Tel semitero resta solo i murari par ciusar la tomba e on cagneto pien de rogna, perso e pien de fame.

Tea bodega, tuti quei che no à podesto saludarse prima, i lo fava adesso, co voce pesarosa e fàcia sèria.

I alsava la testa, solo par impiombar el goto de caciassa. Lìquido ardente, comprà zo drio el Rio das Antas, dea védova del poro Lira.

leggi di più 1 Commenti

lun

14

mag

2012

I tropieri riposa dopo un giorno de strada

Nanetto Pipetta – Sergio Angelo Grando – Porto Alegre – RS

 

Zera on vendre, là per le quatro, Nanetto, l’à incostà la careta te la finestra del paiol e zera drio scomissiar trar rento el mìlio, quando el scolta sbaiamento de can, urli de boi e persone che osava:
- Era boi! Era, era, era…

Co’l alsa la testa, el vede na trupa de bèstie: boivini, cavai… Mai visto na mùcia compagna de bèstie. El se ga messo contarle. Sinquanta.

leggi di più 0 Commenti

lun

14

mag

2012

I simioti ghe dà el truco del spauron che i ga ciapà

Nanetto Pipetta - Sergio Angelo Grando – Porto Alegre – RS

 

Nanetto, col stómego vodo, el à saltà la note intiera de un insònio al altro. I più tenebrusi l’era coei concatenadi col magnar. Tole piene de magnari buni. Polastri rosti, sorasco co tre dei de grasso, sobremese de pèrseghi in calda, buli, dolsi de pasta. Ma, sempre che’l se vicinava par magnar, sussedea qualche sinistro. Na volta ze capità na mùcia de bùlgheri, e i ga magnà fora tuto, vanti che’l podesse dir on amen. Nantra volta, on mùcio de magnar sora na tola in ombria, càpita na giunta de boi in disparada menando na slita. I coreva tanto, che sta slita la zolava quatro dei sora tera. I boi no i à podesto desviar dela tola e i ga trato tuto a bale alte. Par ùltimo, el se à insonià che, quando el zera drio rivar a taco del magnar, na pi bruta brentana de aqua ga lavà via magnar, tola e tuto. On

leggi di più 0 Commenti

lun

14

mag

2012

I mas-ciari

Nanetto Pipetta – Sergio Angelo Grando – Porto Alegre – RS

 

Drio man che’l mato zera taià, el fogo netava la tera, e el mìlio zera piantà. Matia e tuti i coloni doperava el mìlio par la polenta e soratuto par guarnar i porchi, che zera l’ùnica maniera de ciapar calche soldo de bona mesura.

Alora, cossita, tea Fazenda de Matia, te’l istà, co zera seco, i laorava in meso el mato e anca i piantava e snetava mìlio. De maio a setembre, che zera più frescheto, i catava su el mìlio, i ingordava i porchi, e te’l posto del mìlio, i semenava formento, la maioransa querto co la sapa, parché le tere descòmode no le assava possibilità de doperar el badilon.

leggi di più 0 Commenti

lun

14

mag

2012

I boi desparai par via dele ave

Nanetto Pipetta -Sergio Angelo Grando – Porto Alegre – RS

 

Ze rivà ora de taiar formento. Nanetto e la zia Marieta ze ndai catar corde de mato par ligar le faie. El nono Angelin el ga batesto le làmine dele sésole co la pianta de fero e martel, come el fava cola falde. I sesoliti li à gusai tea mola de sasso e dopo tirà el fil cola pietra. El zio Toni parava la mola, e el nono gusava.

leggi di più 0 Commenti

lun

14

mag

2012

El se stimava come un vero general

Nanetto Pipetta -Sergio Angelo Grando – Porto Alegre – RS

 

A ani indrio, le strade le era ben pedo de desso. I zera veri cariaduri, onde passava le carete e le bèstie de montaria e qualche trupeta de cavai e boini oriundi de Vacaria e Lagoa Vermelha. Le restava bone nel època de far le giornade tea strada, e fin che vegnea la prima piova forte.

La strada par onde i zera drio passar par ndar al intero de Falcade, se no bastasse i busi fati co le brentane e rode dele carete, i spinari de banda a banda squasi la sarava. Zera dei posti che tocava ndar un drio l’altro, tanto streta la zera deventada.

leggi di più 0 Commenti

lun

14

mag

2012

El marangon

Nanetto Pipetta – Sergio Angelo Grando – Porto Alegre – RS

 

Tre misi dopo de tute ste stòrie, Nanetto stava ben de corpo, de ànima e de rece. A casa de Àndolo i lauri zera tuti fati, vansava tanto tempo de cassar e pescar, ma, anca questi sporti, co i ze fati massa a spesso, i stufa.

L’ora, el se ricorda de Gìgio Frison, quel che lo ga menà dal Dotor Ivo, co l’è scapà dei bùlgheri. El dise on giorno:
- Sior Àndolo, che’l me scusa, ma gavaria caro da rénderghe el tempo a Gìgio Frison, lo quale, a mesi indrio el me à dato na man e menà dal dotore.

leggi di più 0 Commenti

lun

14

mag

2012

Cìciole a volontà

Nanetto Pipetta – Sergio Angelo Grando – Porto Alegre – RS

 

Co tuti quei pessi par rostir, i ga destinà copar el porco. Come in tute le fameie, el di de copar el porco zera na ocasion de festa. La saria stata la più granda, se no fusse el giorno che vegnea la màchina de bater el formento. El tempo se avea invià par piover; e co piove l’è meio copar el porco, parché ghe ze manco mosche in torno.

La sera vanti, Nanetto e Làrio i à gusà le fache co la mola e dopo passà la pria, de na maniera che’l fil taiava anca i pensieri.

leggi di più 0 Commenti

lun

14

mag

2012

Col cor in boca, ma sensa rénderse

Nanetto Pipetta – Sergio Angelo Grando – Porto Alegre – RS

 

On paro de ore dopo, Gé­nio ga­ve­va tru­cà el pe­nel e, più cal­mo, el spe­ta­va Na­net­to pensieroso.

-Saralo ndà ndove! Lo go per­so de òcio on me­nu­to, e pi visto. Sa­ra­lo in­ra­bià par­ché ghe go osà drio, o ghe sa­ra­lo su­ces­so qual­che desgràssia. Ben, lo spe­to nan­tri cin­que menuti. Se no´l cà­pi­ta, nda­rò inserca. In tan­to me sen­to do e ri­po­so on menuto.

leggi di più 0 Commenti

lun

14

mag

2012

El ga qualque parafuso fora de posto

Nanetto Pipetta – Sergio Angelo Grando – Porto Alegre – RS

 

Dopo quel incidente de voler soferar lu solo, Nanetto, par in tanto, no’l se ga più fidà de frugnarghe drio al camignon. In tanto, con passiensa e tante fermade parché la màchina del camignon la se sfredasse, i do viaianti i se tirava verso Alfredo Chaves e Capoera.

Le strade, le giutava poco. Piene de busi e storte come el ano de la pelagra, le pareva el trodo de ndar al inferno.

leggi di più 0 Commenti

lun

14

mag

2012

El gal rauco monta el so circo

Nanetto Pipetta - Sergio Angelo Grando – Porto Alegre – RS

 

Luni de matina, Àngelo se desmìssia bonora. Vanti le sinque. El ga pensà: ze ncora scuro. Stago qua soto le querte nantra s-ciantineta e digo su al manco on diese ave-marie. Quando zera a metà, el scolta on gal che canta, ma nò banda la capunara. L’è stà atento e el gal canta nantra volta, ma de na maniera strània, come s’el fusse rauco. Passà nantro tocheto de tempo, el canta nantra volta, ma desso el se ga incrucà, el à tacà tossir.

 

leggi di più 0 Commenti