Agosto 2009
Cari amissimondoveneto,
cari amissi-missionari-veneti del mondo:
CIAO A TUTI!!!
Operai, impiegati e professionisti!
veterani dea nostra prima távoea rotonda!
novi que se zonta dí par dí: CIAOOOOOOOOOOO
Ciao a tuti co´n forte strucón de man,
e ´n ´abrasso caeoroso!
Eco che semo qua da novo ´nte sto particoeáre mese de Agosto
sempre intorno áea nostra tóea rotonda…virtual par saeudarse, imbrassarse, darse ´na man!
- Pace, pace, pace a ti, pace a mi, pace a tuti!
Anca sta volta ve scrivo par dirve che ghemo messo e nostre notissie sol Sito:
Trovarí de tuto… de pí
1 – Tanto par scuminssiare trovarí i soiti dó Boetini AMV e A-M-V del mondo:
- quéo dei “amissimondoveneto”: laici e emigranti ´ntel vero senso dea paróea,
- quéo dei amissi-missionari-veneti, emigranti anca par laoro… mal pagai dai ómeni
speremo mejio pagai da Dio!
- Drento del primo voio farve notare che trovarí
´l programa de viajio che IMELDA BISINELLA
ga organizá co´e Federassión vénete del Quebec!
´N viajio de 14 dí pa´i zovanoti dea terza etá, che li portará védare ´l Véneto
culminando a Asiago, quota 1000 m.s.l.m.
2 – Invesse ghezé anca ´na página NOVA intitoeá: Progeti missionari, domande, proposte!
So sta página trovarí par prima ´n progeto, che zé anca ´na proposta!,
de VIRGINIA LEONOR BERALDO, de < Plata, del>
indirissá A TUTTI I PROFESSIONISTI de orígine véneta che lede i nostri Boetini…
A.PRO.VE.A.:::zé sóeo dó paginete, ma per magiori delucidassión ghezé ´l so indirisso Mail!
Sempre so a Nova Página dei Progeti, domande, proposte zontaremo, man man che i riva,
PROGETI misionari e anca no, DOMANDE de aiuto, PROPOSTE da amissi a amissi!!!
Intanto gemo messo drento ´l Progeto de Suor Maria Ivana Maddalena de Acre, Rio Branco
e altre se ghe ne zontará.
3 – Come promesso tempo indrío ai amissimondoveneto messicani:
trovarí l´artícoeo de Giorgia Miazzo, ´na brava tosa de Carmignan del Brenta
dedicá proprio a luri…: VIVA MÉXICO!!!
4 – Visti i complimenti e partecipassión… che ringrassio de tuto cuor!
e vista ´a trágica ricorenza dea prima “bomba ´tómica” sol Giapon
(che don Neno Contran dal Congo me sicura che l´uranio dopará vegneva proprio da eá!...)
go inserío anca ´a breve poesia de zoventú: PAZ – PAZ – PAZ
5 – ODETE MINGORI DE PALMA SOLA, che se da da fare par tuto quéo che zé véneto, e
HONORO TONIAL da Erexim che ghe dédica ´na página de elogi!!!
in pí ne regáea ´na poesia a sorpresa…: “ EL MEIO GIUDICE”
6 – Invesse so´a Gaeria Fotográfica ghezé ´na serie de foto che ga mandá P. Joao Corso
da Porto Alegre / Florianópolis, co´a so zente de Missión.
7 - ´Nantra NOVITÁ pa´l PROSSIMO MESE: zontaremo á PAGINA DEE GENEALOGIE
che pí de calche emigrante e dissendente ga caro védarse publicá
a mó de ringrassiamento par chi che l ga iutá!
8 - ´l 22 de Agosto sará complean de GIANI MARCHIORI
presidente dea “Famiglia veneziana” cob sede nel Tigre a Buenos Aires.
´L stesso dí vegnará fata ´na gran Festa Véneta nea Sede dei Trevisani nel Mondo, a Caballito…
9 - ( Fin… che spetavo conferme e pí notissie… me zé rivá ´n saco de altre invitassión
che sercaró de inserire… probabilmente… so NANTRA PAGINA NOVA man man che ghe riesso!...)
10 – Par tranquiitá de tuti:
come che gavarí visto fin dal mese scorso no vegnará pí scriti ´na montagna de indirissi
so ogni létara, ma oguno ciapa ´a propia “newsletter” anca se ghe vien spedia
a 2500 AMISSIMONDOVENETO CONTEMPORANEAMENTE !!!
De sta maniera nessuno poe copare montagne de indirissi par altri scopi!
Ve penséo???
2500 létare spedíe tute insieme so ´na sera in via prioritaria… e senza francobóeo!!!
Pí de calcuna ne tornará anca indrío par “Casea piena…”,
calcuna de queste 2500 vegnará anca spedía dopia… porté passiensa, e… disímeo!
Ma quéo che ghe tegno anca a dire co questo,
zé che, cussita fasendo,
podemo scrívare anca ai amissimondoveneto, missionari e no, del Africa
che i zé sempre in crisi par nostro ecesso de K – M – Gigabyte!!!
Un caro saeúdo a tutiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii
Roberto dáea Germania
e da tuti i amissimondoveneto del mondo
Scrivi commento